دژەتیرۆر چوار تیرۆرست دەستگیر دەكات

PUKMEDIA

لۆگۆی دژەتیرۆر

بەڕێوبەرایەتی گشتیی هەواڵگری و ئاسایشی سەر بە وەزارەتی بەرگری عیراق بە هاوكاری بەڕێوەبەرایەتی گشتی دژەتیرۆر، دەستگیركردنی چوار تیرۆرست رادەگەیەنێت.

 لە راگەیەندروێكی بەڕێوەبەرایەتی گشتی دژەتیرۆر كە كۆپییەكی بۆ PUKMEDIA نێردراوە راگەیەندراوە: "لە بەدواداچوونی بەردەوام بۆ دەستگیركردنی لە یاسادەرچووان و تیرۆرستان، پاش دەستكەوتنی زانیاری هەواڵگری ورد سەبارەت بە بوونی ژمارەیەك تیرۆرستی داواكراو كە تێوەگلابوون لە ژمارەیەكی زۆر كاری تیرۆرستی، بە هاوكاری بەڕێوبەرایەتی گشتیی دژەتیرۆر لە سلێمانی، توانرا 4 كەس لەو داواكراوانە دەستگیربكرێن".
 

ئەوەش راگەیەندراوە: "ئەو كەسانە ئەندامی رێكخراوی تیرۆرستیی داعش بوون و لە دیارترین ئەو كارە تیرۆرستیانەی بەشداربوون تێیدا بریتین لە (هێرشكردنە سەر بنكەی سپایكەر، ئامادەكردنی ئۆتۆمبێلی بۆمبڕێژكراو، تەقینەوە لە بەغداد)  سەرجەمیان بەپێی ماددەی 4ی تیرۆر داواكراوبوون و رێكاری یاساییان لەگەڵدا دەگیرێتەبەر".


PUKMEDIA