دادگای كەركوك 10 كەس سزادەدات كەپشتیوانی بەعس بوون

ئەرشیف

بەندینخانە

دادگای تاوانەكانی كەركوك سزای زیندانیكردنی بۆ 10 كەس دەركرد بەھۆی ستایشكردنی حزبی بەعس.

هەروەك بەپێی راگەنراوێكی رەسمی راگەیاندنی دەزگای ئاسایشی نیشتمانی كە وێنەیەكی بۆ PUKMEDIA نێردراوە، ئاشكرایدەكات كە 10 تۆمەتبار لە كەركوك دەستگیركراون بەپێی یاسای قەدەغەكردنی بەعسی لەناوچووی ژمارە 32ی ساڵی 2016.

لەو راگەیەندراوەدا هاتووە كە: "مەفرزەكانی ئاسایشی نیشتمانی لەكەركوك دوای بەدواداچون یەكێك لەو كەسانەی دەستگیركرد كە لەگرتەیەكی ڤیدیۆییدا لە بەردەم بینای پارێزگای كەركوك ئاهەنگ دەگێڕن و بانگەشە بۆ بەعس دەكات".

هەر لەو راگەیەندراوەكە داهاتووە: "دادگای تاوانەكانی كەركوك بڕیاریدا بە سزای 5 ساڵ زیندانی بەسەر 10 كەسدا كەلەلایەن مەفرەزەكانی ئاسایشی نیشتمانیەوە دەستگیركرابوون".

بەگوێرەی راگەیەندراوەکە: "ئەو 10 کەسە دانیان بەوەداناوە کە  لەچوارچێوەی تۆڕێکدا کە سەر بە حیزبی بەعسی هەڵوەشاوەبوون،  کاریان بانگەشەکردن بوو بۆ حزبی بەعسی لەناوچوو لە تۆڕە کۆمەڵایەتییەکان" .

لەچەند شەوی رابردوودا گرتەیەكی ڤیدیۆیی لە تۆڕەكۆمەڵایەتییەكان بڵاوكراوەیەوە كەلە كەركوك كۆمەڵێك كەس ئاهەنگدەگێڕن و بە ئاشكرا وێنەی سەدام حسێن دیكتاتۆری لەناوچو بەرزدەكەنەو و پشتیوانی بۆ بەعسی لەناوچوو بەدروشم و هوتاف دەردەبڕن.

PUKMEDIA