سەركەوت زەكی بۆ كەركوكییەكان: بەدەنگەكانتان كۆتایی بەدەسەڵاتی خۆسەپێنی لەكەركوك دەهێنن

PUKMEDIA

سەركەوت زەكی لێپرسراوی مەكتەبی رێكخستنی یەكێتیی نیشتمانیی كوردستان

سەركەوت زەكی لێپرسراوی مەكتەبی رێكخستنی یەكێتیی نیشتمانیی كوردستان رادەگەیەنێت: "كەركوكییەكان بەدەنگەكانیان كۆتایی بە دەسەڵاتی خۆسەپێنی لە شارەكە دەهێنێن".

ئەم وتەیەی لێپرسراوی مەكتەبی رێكخستن لە میانی سەردانێكیدابوو بۆ چەمچەماڵ بە هاوڕێیەتی مستەفا چاڵاوی ئەندامی سەركردایەتی و ژمارەیەك ئەندامی مەكتەبی رێكخستن و لە كۆڵسەنتەری بازنەی هەڵبژاردنەكانی كەركوك ـ چەمچەماڵ-یشەوە پەیوەندی بەژمارەیەك دەنگدەری كەركوكەوە كرد كە  دانیشتووی سنووری چەمچەماڵ و شۆڕشن  و  داوای لێكردن كە لەڕۆژی ١٨ی مانگ رووبكەنە سندوقەكانی دەنگدان و وەك ئەركێكی نەتەوەی و لەكاتی دەنگداندا دەنگەكانیان بە لیست و كاندیدەكانی هاوپەیمانی كەركوك هێز و ئیرادەمانە ژمارە ١٤٢ بدەن و سەركەوت زەكی پێیڕاگەیاندن: "لیستی 142 دەتوانێت خزمەت بەكەركوك و كەركوكییەكان بكات".

لێپرسراوی مەكتەبی رێكخستن راشیگەیاند: "كەركوكییەكان بەدەنگەكانیان دەتوانن  دەسەڵاتی خۆسەپێنی ئێستا لە كەركوك كۆتایی پێبهێنن  و  دەسەڵاتی كوردی لەكەركوك بگەڕێننەوە و باشترین خزمەت بە كەركوییەكان بكات".

PUKMEDIAٍٍ