هاوپەیمانی كەركوك هێز و ئیرادەمانە بەرنامەی درێژخایەنی بۆ لەناوبردنی جیاكاری هەیە

PUKMEDIA

هاوپەیمانی كەركوك هێز و ئیرادەمانە

ئەمڕۆ پێنج شەممە 23-11-2023 لیستی ١٤٢ ی هاوپەیمانی كەركوك هێزی و ئیرادەمانە پەیامێكی بڵاوكردەوە و رایگەیاند: "هاوپەیمانێتییەكەمان بەرنامەی درێژخایەنی بۆ لەناوبردنی جیاكاری هەیە و بە خەتەری دەزانێ لەسەر عەدالەت و ئینتمای نیشتمانی و ئاشتی كۆمەڵایەتی لە شاری كەركوك، شاری فرەیی و پێكەوەژیان".


دەقی پەیامەكە:

 پەیامی ئەمڕۆ

پەیامی ئەمڕۆ پەیامی نەهێشنی جیاكارییە لە خزمەتكردن و ئاوەدانی و دەستڕاگەیشتن بە پێوستییەكانی ژیانێكی شارستانی و شارەوانی.

نەهێشتنی جیاكاری لە گەشەپێدان و دادپەروەری جوگرافی نێوان پێكهاتەكاندا، چەمكێكی نوێخوازی گەشەی كۆمەڵ و وڵاتانە و نەتەوە یەكگرتووەكان و بەها مرۆڤایەتییەكان تەئكیدی لەسەر دەكەنەوە، چونكە پێوەرێكی سەرەكی وەك یەكی و دادپەروەری و مافەكانی مرۆڤ و ئینتمای نیشتمانییە و لیستی ١٤٢ باوەڕی بەم پێوەرە جیهانییە هەیە و پێیەوە پابەندە.

جیاكاری لە خزمەتگوزاری و شارەوانی و پڕۆژەكانی ئاوەدانكردنەوەدا كە ئیدارەی خۆسەپێنی كەركوك وەك ئەپارتایتێكی پەنهان لە دژی كورد پەیڕەوی دەكات هەموو خەسڵەتەكانی رەگەزپەرستی تێدایە.

(هاوپەیمانی كەركوك هێز و ئیرادەمانە) بەرنامەی درێژخایەنی بۆ لەناوبردنی جیاكاری وا هەیە و بە خەتەری دەزانێ لەسەر عەدالەت و ئینتمای نیشتمانی و ئاشتی كۆمەڵایەتی لە شاری كەركوك، شاری فرەیی و پێكەوەژیان.

PUKMEDIA