هاوپەیمانی كەركوك هێزو ئیرادەمانە: ویستی كەركوكییەكان بۆ بەرەنگاريی تەعریب دەخەینەگەڕ

PUKMEDIA

هاوپەیمانی كەركوك هێز و ئیرادەمانە

ئەمڕۆ پێنج شەممە 16-11-2023 لیستی ١٤٢ ی هاوپەیمانی كەركوك هێزی و ئیرادەمانە پەیامێكی بڵاو كردەوە و رایگەیاند: "هاوپەیمانی كەركوك هێز و ئیرادەمانە بە دەنگی كەركوكییەكان ئیدارەیەكی دادپەروەرانە و شەفاف و رەسەن پێكدێنێت كە بەند و باوەی تەعریبی نوێ و بڕگە ڤایرۆسییەكانی لە جێوە دەكوژێت".

دەقی پەیامەكە:

پەیامی ئەمڕۆ

هاوپەیمانی كەركوك هێز و ئیرادەمانە، ویست و ئیرادەی كەركوكییەكان بۆ بەرەنگاريی تەعریبی نوێ دەخاتەگەڕ .

تەعریب جاران سیاسەتێكی فاشیانەی توندوتیژ بوو بۆ ستەمی راگوێزان و بە بەعسی كردن و گۆڕینی دیمۆگرافی كە گەلەكەمان بە خەباتی پێشمەرگایەتی و رێكخستنی شۆڕشگێڕی بەرەنگاری دەبووەوە.


تەعریبی تازە گوشاری نەرم و سیاسەتی ئیبتزاز و بێزاركردنی جوتیاران و بێكاری لاوان و فرتوفێڵی ئیداری و جیاكاری خزمەت و بێبەشكردنی كوردە لە بەڕێوەبردنی شارەكە .

بۆیە پێویستە بە ژیری و بە یاسا و بە سیاسەتی دەستپێشخەری ئیداری وەڵام بدرێتەوە.

ئەنجومەنی پارێزگای كەركوك، پۆستی پارێزگا و پۆستەكانی ئیدارەی شارەكە و زۆركردنی بەشداریمان لە دامەزراندن و خاوەندارێتیی كارا لە خەڵكەكەی خۆمان، جێی راستەقینەی ئێمەیە و رێگای خەباتی نوێمانە بۆ بەرەنگاری.

هاوپەیمانی كەركوك هێز و ئیرادەمانە بە دەنگی كەركوكییەكان ئیدارەیەكی دادپەروەرانە و شەفاف و رەسەن پێكدێنێت كە بەند و باوەی تەعریبی نوێ و بڕگە ڤایرۆسییەكانی لە جێوە دەكوژێت.

كاندیدەكانی ١٤٢ خوشك و برای ئێمەن كە بە ئاگاییەوە شەو و رۆژ دەخەنە سەریەك تا بە خەباتی شارستانی و بە دەستوور و سیاسەتی ژیر ناسنامەی كوردستانی شارەكەمان بپارێزن.

بە دەنگەكانمان لە هەڵبژاردنی ١٨-١٢ دەنگی ئەوان دلێر و بڵند دەكەین و هەقی خۆمان  دابین دەكەین.

PUKMEDIA