بورهان سەعید سۆفی: كەركوك چەقی بەدەستهێنانی مافەكانی كوردە

PUKMEDIA

بورهان سەعید سۆفی و فریاڵ عەبدوڵڵا

ئەمڕۆ چوار شەممە ٢٥ی تشرینی یەكەمی ٢٠٢٣ بورهان سەعید سۆفی لێپرسراوی مەكتەبی رێكخراوەدیموكراتییەكان، بە ئامادەبونی فریاڵ عەبدوڵڵا لێپرسراوی بۆردی رێكخراوە پیشەییەكان، مەڵبەندی 17ی رێكخستنی رۆژئاوای كەركوكی بەسەركردەوە.

لە لایەن هیوا رەش لێپرسراوی مەڵبەندی 17ی رێكخستنی رۆژئاوای كەركوك و دەستەی كارگێڕی و ئەندامانی ئەنجومەنی مەڵبەند و كادیرانەوە بە گەرمی پێشوازی لێكرا.

بورهان سەعید سۆفی لێپرسراوی مەكتەبی رێكخراوە دیموكراتییەكان، رایگەیاند: "كەركوك بەلای یەكێتیی نیشتمانیی كوردستانەوە چەقی سەركەوتن و بەدەست هێنانی مافەڕەوا و دەستورییەكانی میلەتی كوردە و جوگرافیاو دیمۆگرافیاكەشی یەكێتی لە پێناویدا خەباتی چەندین ساڵەی كردووە، بۆیە لەم وێستگەی خەباتەی ئێستاشدا دەبێت هەموو یەكێتییەكان بەو پەڕی بەرپرسیارێتییەوە  لە خزمەتی خەڵك و خاكەكەیدابین و لە پڕۆسەی هەڵبژاردنی ئەنجومەنی پارێزگاكانی عیراقدا كورد و یەكێتی زۆر ترین كەسی بچێتە ئەنجومەنی پارێزگای كەركوك و پارێزگاكانی تر، بەوەش دەتوانرێت ماف و سەنگی كورد لە ناوچە جێناكۆكەكانی دەرەوەی هەرێم بپارێزین".

لە بەرامبەردا، هیوا رەش لێپرسراوی مەڵبەندی ١٧ی رێكخستنی رۆژئاوای كەركوك، بە ناوی سەرجەم هەڤاڵانی مەڵبەندەوە بە خێرهاتنی هەڤاڵ بورهان سعید سۆفی و هەڤاڵانی یاوەریكرد بۆ ئەو سەردان و بەسەركردنەوەیەیان، راشیانگەیاند: "بەو پەڕی توانایانەوە تێدەكۆشن بۆ خزمەتكردنی خەڵك و خاكی كەركوك و ناوچە جێناكۆكەكان  بە پشتیوانی یەكێتیی نیشتمانیی كوردستان".

PUKMEDIA