یۆنامی پیرۆزبایی سەرکەوتنی کۆنگرە لە یەکێتی دەکات

PUKMEDIA

یونامی پیرۆزبایی لەیەکێتی دەکات

رۆژی  ١٦/١٠/٢٠٢٣  سەعدی ئەحمەد پیرە وتەبێژی یەکێتی نیشتمانیی کوردستان لە هەولێر لەسەر بانگهێشتی بەرێز ریكاردۆ رۆدریگێز  بەرپرسی نووسینگەی(یونامی) لە هەرێمی کوردستان سەردانی نوسینگەکەی کرد و لەلایەن  بەرپرسی نوسینگە و  موتسی مونیارادزی و عەزیز بەرزنجی راوێژكارانی سیاسی لە نوسینگەی نەتەوەیەكگرتووەكان لە هەرێم پێشوازیکرا.


لە دیدارێکدا  بارودۆخی سیاسی ، عێراق و هەرێمی کوردستان و دوا پێشهات و گۆڕانکارییەکانی ناوچەکە بەگشتی ، گفتوگۆی لەبارەوەکرا، بەتایبەتی دەرەنجامی پێنجەمین کۆنگرەی  یەکێتیی نیشتمانیی کوردستان بۆ خسینەروو .

سەرەتا  ریکاردۆ رۆدریگز بەرپرسی نووسینگەی  (یونامی) لە هەولێر پیرۆزبایی  سەرکەوتنی پێنجەمین کۆنگرەی لە یەکێتیی نیشتمانیی کوردستان کرد.

سەعدی ئەحمەد پیرە تەئکیدی کردەوە لەسەر خاڵە جەوهەرییەکانی پێویستی ئەمرۆی ژیانی حزبی و ئامانجە ستراتیجی و خزمەتگوزارییەکانی بۆ کۆمەڵانی خەڵکی کوردستان ، لەوانە کارکردن بەبەرنامە و پلانی نوێ بۆ بەڕێوەچوونی ئۆڕگانەکانی یەکێتی نیشتیمانی کوردستان بە سوود وەرگرتن لە بیر و ئایدیای نوێ بۆ زیاتر دەوڵەمەندکردنی بەرنامە و ئامانجە ستراتیجییەکانی داهاتووی یەکێتی نیشتیمانی کوردستان ،هەروەها کارکردن بۆ نوێکردنەوەی جەستە و خوێنی یەکێتی نیشتیمانی کوردستان بەسوود وەرگرتن لە تواناکانی گەنجان و هێنانە پێشەوەیان لە ئۆرگان و پۆستە جیاوازەکان ، هەروەها کۆنگرە جەختی لەسەر پاراستن و یەکڕیزی و تەبایی و یەک هەڵوێستی هێز و لایەنە سیاسیەکانی عێراق و هەرێمی کوردستان کردەوە ، هەروەک لە وتەی سەرۆک بافڵ جەلال تاڵەبانی و وتاری میوانە جیاوازەکانی کۆنگرە بەروونی ئاماژەی پێکرا .

لایەنێکی تری گفتوگۆکانی نێو کۆنگرە جەختکردنەوەی یەکێتی نیشتیمانی کوردستان بوو لەسەر پارێزگاریکردن لە گۆڕانکارییەکانی کەش و هەوا و چۆنیەتی رێگریکردن لەسەر ئاسەوارە ژینگەییەکانی ئەم گۆڕانکارییانە و بەتایبەتیش دروستکردنی بەنداوی زیاتر بۆ دروستکردنی هاوسەنگی سامانی ئاو لە عێراق و هەرێمی کوردستان و ناوچەکە .

هەڤاڵ سەعدی ئەحمەد پیرە وتیشی: یەکێتی نیشتیمانی کوردستان لە دوای کۆنگرەی  وێڕای هەڵسەنگاندن و ستایشکردنی کارو وبەرنامەکانی کۆمەڵگای نێودەوڵەتی داوا لە ئاژانسە جیاوازەکانی کۆمەڵگای نێودەوڵەتی دەکات کە کارو بەرنامە و هەوڵەکانیان لە هاوکاری سەرپێیەوە بگۆڕن بۆ هاوکاری ستراتیژی پێشکەوتن بە ئامانجی بووژانەوەی زیاتری ژێرخانی ئابووری و مرۆیی هەرێمی کوردستان ورەخساندنی هەلی کاری زیاتر بۆ گەنجان و چین و توێژە جیاجیاکان .

PUKMEDIA