پارێزگاری سلێمانی: داوا لە وڵاتانی دراوسێ دەکەین ڕێز لەسەروەری خاکەکەمان بگرن

PUKMEDIA

د.هەڤاڵ ئەبوبەکر

• د.هەڤاڵ ئەبوبەکر پارێزگاری سلێمانی لەراگەیەنراوێکدا بەتوندی ئیدانەی ئەو هێرشانەی کرد کە ئەمڕۆ کرانە سەر فڕۆکەخانەی کشتوکاڵی لە عەربەت و بارەگای کەنەکە لە هەولێر.
  
  لەراگەیەنراوەکەدا د.هەڤاڵ رایگەیاند: بەناوی پارێزگای سلێمانییەوە، بەتوندیی سەرکۆنەی ئەو دەستدرێژییانە دەکەین؛ کە ئەمڕۆ کرانە سەر فڕۆکەخانەی کشتوکاڵیی عەربەت و، بارەگای کۆنگرەی نەتەوەیی کوردستان لە هەولێرو، هەموو ئەو سنوربەزاندن و پەلاماردانانەیشی؛ لە ڕابردودا کراونەتە سەر هەرێمی کوردستان.
  
  راشیگەیاندووە: هاوخەمیی و پەژارەو پرسەی فەرمیی خۆمان بۆ شەهیدانی ئەم ڕوداوە نەخوازراوانە دەردەبڕین و، هیوای چاکبونەوەی خێرا بۆ بریندارەکان دەخوازین.
  
  پارێزگاری سلیمانی راشیگەیاند: داوا لە وڵاتانی ناوچەکە دەکەین ڕێز لە سەروەریی خاکی هەرێمی کوردستان و عیراق بگرن، داوا لە حکومەتی هەرێمی کوردستان و حکومەتی ئیتحادیی و هەموو لایەنە سیاسییەکان دەکەین کۆتایی بە ناکۆکییە ناوخۆییەکان بهێنن و، خۆیان و وڵاتەکەمان لە هەر ململانێیەکی ناوچەیی و نێودەوڵەتیی بەدوربگرن و شکۆو سەروەریی نیشتمانیی وڵات؛ بپارێزن.

PUKMEDIA