یەکێتی پیرۆزبایی یادی دامەزراندن لە پارتی دەکات

PUKMEDIA

یەکێتی و پارتی

مەکتەبی سیاسی یەکێتیی نیشتمانیی کوردستان پیرۆزبایی یادی 77 هەمین ساڵیادی دامەزراندن لە پارتی دیموکراتی کوردستان دەکات.

دەقی پیرۆزبایی نامەکە.....

پیرۆزبایی بەرێزان مەكتەبی سیاسیی پارتی دیموكراتی كوردستان 

لەیادی حەفتاوحەفتەمین ساڵیادی دامەزراندنی پارتی دیموكراتی كوردستان، پیرۆزبایی گەرم  ئاراستەی ئێوە و لایەنگرانتان  دەكەین. 

بەو هیوایەی ئەم یادە  دەرفەتێك بێت  بۆ گەشەپێدانی پەیوەندییەكانی  نێوانی  هێز و لایەنە سیاسییەکان لەم هەلومەرجەدا کە پێویستی بە رێکخستنەوەی ئەولەویاتەکانی خەبات هەیە بە قازانجی چاککردنی ژیان و گوزەرانی میللەتەکەمان .  تەئکید دەكەینەوە كە كوردستان و ئەزموونەكەی بەرهەمی خوێنی گەشی هەزاران شەهید و قوربانیە، بۆیە پاراستنی قەوارەی هەرێم و دەستكەوتەكان پێویستی زۆری بە هەماهەنگی و لە خۆبردوویی نەتەوەیی  و   گەشانەوەی شەراکەتە.
 
جارێكی تر پیرۆزە و سەركەوتووبن...

مەكتەبی سیاسیی
یەكێتیی نیشتمانیی كوردستان

PUKMEDIA