سه‌رۆك بافل بۆ به‌رژه‌وه‌ندی كوردستان له‌ له‌نده‌نه‌

PUKMEDIA

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان بۆ كۆمه‌ڵێك دیداری سیاسیی و دیپلۆماسیی و دیبه‌یتی جه‌ماوه‌ریی و رێكخراوه‌ییش له‌ له‌نده‌نی پایته‌ختی به‌ریتانیایه‌.

سه‌رۆك بافڵ له‌لایه‌ن ژماره‌یه‌ك له‌كوردانی تاراوگه‌ی به‌ریتانیا به‌گه‌رمی پێشوازیی لێكرا، كه‌ پێشوازییه‌كی ئاسایی خۆرسكه‌، به‌ڵام دوای دوو رۆژ، كه‌سانێكی ماڵی مالیكراوی لایه‌نی سیاسیی، ئه‌م پێشوازییه‌ گه‌رمه‌ی پێ ئه‌زم ناكرێت و برینی "هێلكه‌بارانی" هه‌مان پایته‌خت ده‌كولێته‌وه‌ و بیرده‌هێنرێته‌وه‌، گوایه‌ خۆپیشاندانیان له‌ نزیك هۆتێلكه‌ی سه‌رۆك بافڵ كردووه‌.

له‌ بیركردنه‌وه‌ی سه‌رۆكی یه‌كێتی دا هه‌م خۆپیشاندان ئاساییه‌، چونكه‌ له‌ كوردستان بێترس خۆی له‌گه‌ڵیان داده‌نیشێت و گوێیان لێده‌گرێت و هه‌وڵی چاره‌ دۆزینه‌وه‌شیان له‌گه‌ڵ ده‌دات و ناڕه‌زایی و خۆپیشاندانی خوێندكاران نمونه‌ی زیندوون، كه‌ به‌ر له‌ سه‌ردانی له‌نده‌ن، له‌ ده‌باشان به‌بۆنه‌ی سه‌ركه‌وتنیانه‌وه‌ له‌گه‌ڵیان دانیشت.

سه‌رۆكی یه‌كێتی بۆچی له‌له‌نده‌نه‌؟ ئه‌مه‌ ئه‌و پرسیاره‌یه‌كه‌ كه‌ ئه‌وانه‌ی له‌ بیستنی هه‌واڵی سه‌ردانه‌كه‌ و دیداره‌ و دیبه‌یته‌كانی سه‌رۆك بافڵ-ه‌وه‌ پیشئه‌خۆنه‌وه‌، یه‌كسه‌ر كه‌وتنه‌ په‌لامار و تۆمه‌ت و چنینی راپۆرتی و هه‌واڵی فه‌یك و خۆنیشاندانی دروستكراو، به‌ڵام سه‌رۆك بافڵ له‌له‌نده‌نه‌ تا واقعی سیاسیی و حوكمڕ‌انی و دۆخی راسته‌قینه‌ی هه‌رێم و ناوچه‌كه‌ هه‌م بۆ ناوه‌نده‌ نێوده‌وڵه‌تیه‌كان و هه‌میش بۆ كوردانی تاراوگه‌ باس بكات، ئه‌و له‌ له‌نده‌نیشه‌وه‌، وه‌ك پیرمام راست و بێگرێ، به‌یانی دۆخی شێواو و خستنه‌ڕ‌ووی چاره‌سه‌ر ده‌كات و شه‌رحی ئه‌و قۆناغه‌ ده‌كات كه‌ پێویسته‌" بۆ خۆشگوزه‌رانی هاوڵاتیان و راستكردنه‌وه‌ی چه‌وتییه‌ زیانبه‌خشه‌كانی سه‌ر رێگه‌ی پرۆسه‌ی سیاسیی و حوكمڕ‌انی له‌ هه‌رێم"، به‌ڵام هه‌ستده‌كرێت "جود " له‌ له‌نده‌ن هه‌یه‌ و هه‌وڵی شێواندن و تێكدان ده‌دات.

سه‌رۆكی یه‌كێتیی و یه‌كێتیی نیشتمانی كوردستان، له‌ پێناو خۆشگوزه‌رانی هاوڵاتیان وپاراستنی به‌رژه‌وه‌ندییه‌ باڵاكان و كیانێكی نمونه‌یی بۆ گه‌ل، قسه‌ و هه‌نگاوی شاره‌وه‌ی نییه‌، ئاماده‌یه‌ خه‌بات بكات تاوه‌كو خاڵی كۆتایی له‌ به‌رده‌م شسكته‌كان و شارده‌نه‌وه‌یان دابنێت، تا هه‌رێم نه‌بێته‌ دۆڕ‌اوی گه‌مه‌ی تایبه‌ت و بچوك.

PUKMEDIA