سەرۆک کۆمار: سارێژبوونی برینی كیمیابارانكردنی هەڵەبجە ماوەیەکی زۆری دەوێت

PUKMEDIA

هەڵەبجە

دکتۆر عەبدولەتیف رەشید سەرۆک کۆماری عیراق لەساڵیادی كیمیابارانكردنی هەڵەبجەدا بەیاننامەیەک بڵاودەکاتەوە و تییدا رایدەگەیەنێت:"كیمیابارانكردنی هەڵەبجە، برین و ئازارێکی سەختی لە هەموو دونیا دا دروست كرد، كەساڕێژبوونی ماوەیەکی زۆری ئەوێ .".

دەقی بەیاننامەکە...

كەسوكاری سەربەرزی شەهیدان
خەڵكی بەشەرەفی هەڵەبجەی شەهید

لەساڵیادی (٣٥)ساڵەی كارەساتی كیمیابارانی هەڵەبجەدا، هاوخەمی خۆم بۆ ئەو ستەمە گەورەیە دەرئەبڕم، با شەهیدەكانی هەڵەبجە ئاسوودە بن،  بە ساڕێژبوونی تەواوی زامەكانیان، هەموو کاتێک هاوکارین بۆ هەڵەبجەی خۆشەویست .

كیمیابارانكردنی هەڵەبجە، برین و ئازارێکی سەختی لە هەموو دونیا دا دروست كرد، كەساڕێژبوونی ماوەیەکی زۆری ئەوێ .

 لەم بۆنەیەدا پیرۆزبایی  لەناساندنی هەڵەبجە وەک پارێزگا لەلایەن حکومەتی فیدراڵەوە ئەکەم و  داواش لە حکومەتی هەرێم وپەرلەمانی کوردستان و لایەنە سیاسیەکان ئەکەم کەهەوڵەکانیان یەکبخەن، لەپێناوی جێبەجێكردنی ڕێکارە یاساییەکانی بەپارێزگابوون ونەهێشتنی کەموکوڕییەکانی ئیدارەی هەڵەبجە، وەك زەمینە سازییەك بۆئەوەی  ئەم شارە بكرێت بەشارێکی نمونەیی.

با مەراسیمی یادکردنەوەکان بگۆڕێن بە ھەنگاونان بۆ خزمەتکردنی شارەکە و کەسوکاری قوربانیان، هەوڵی تەواو بدرێت بۆ ساڕێژکردنی برین و سڕینەوەی ئاسەوارەکانی ئەو مەرگە ساتە .
سەربەرزی بۆ شەهیدانی كیمیابارانی هەڵەبجە.

دکتۆر عەبدولەتیف ڕەشید
سەرۆک کۆمار

PUKMEDIA