هاوخەمییەكان بۆ كۆچی دوایی خاتوو حاجی خەج حامد

PUKMEDIA

هاوخەمییەكان بۆ كۆچی دوایی خاتوو حاجی خەج حامد

بۆ كۆچی دوایی خاتوو حاجی خەج حامد، دایكی شەهید سەڵاح دیلمانی، ژمارەیەك پرسەنامە ئاڕاستەی هەڤاڵ هێرش سەڵاح دیلمانی و خانەوادەی شەهید سەڵاح دیلمانی كراون.

دەقی پرسەنامەكان:

کۆسرەت رەسوڵ سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان پرسەنامەیەک ئاراستەی خانەوادەی شەهید سڵاح دیلمانی دەکات.
دەقی پرسەنامەکە....
بەڕێزان: خانەوادەو کەسوکاری کوێخا ئیبراهیمی دیلمان

بەداخێکی زۆرەوە هەواڵی کۆچی دوایی (حاجی خەج) هاوسەری کەسایەتی دیارو تێکۆشەری کۆچکردوو (کوێخا ئیبراهیمی دیلمان) و دایکی شەهیدی فەرماندە (سڵاح دیلمانی و شەهید مەجید دیلمانی)م بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆم ئاراستەی خۆتان و خانەوادە تێکۆشەرو قارەمانەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.


کۆسرەت رەسوڵ عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، بەبۆنەی کۆچی دوایی خاتوو (حاجی خەج حامد)ەوە، پرسەنامەیەک ئاڕاستەی خانەوادەکەی دەکات.
دەقی پرسەنامەکە....
بەڕێزان خێزان و خانەوادەی کۆچکردوو حاجی خەج حامد

بەداخ و پەژارەیەكی زۆرەوە هەواڵی كۆچی دوایی خاتوو (حاجی خەج حامد)م بیست. 
کۆچکردوو لەبنەماڵەیەکی تێکۆشەر و قوربانیدەری رێگای کوردایەتی و خێزانی کوێخا حاجی ئیبراهیم دیلمانی و دایکی شەهیدی نەمر سەڵاح دیلمانی بوو، کۆچکردنی جێگای ئەسەفی هەموومانە. بۆ ئەم کۆستە، پرسە و سەرەخۆشی ئاڕاستە ئێوەو هەموو خزمانی دەكەم و بەشداری خەمی قووڵتانم.
خوای گەورە سەبوریی و دڵنەوایی بەهەموو لایەكمان ببەخشێت و ئەمەش دوا كۆستی کەسوکارو خانەوادەکەتان بێت و کۆچکردوو بەبەهەشتی بەرین شاد بكات.

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال


هاوخەمی مەكتەبی رێكخستن بۆ كۆچی دوایی حاجی خەج حامد 

 هەڤاڵ هێرش سەڵاح دیلمانی خانەوادەی خوالێخۆشبوو شەهید سەڵاح دیلمانی


دڵگران و خەمبارین  بەبیستنی هەواڵی كۆچی دوای  خوالێخۆشبوو (حاجی خەج حامد) دایكی شەهید سەڵاح دیلمانی و نەنكی هەڤاڵ هێرش سەڵاح دیلمانی ئەندامی ئەنجومەنی ڕاوێژكاری  لەمەكتەبەكەمان بەم بۆنە خەمبارەوە بەناوی لێپرسراو و تەواوی هەڤاڵانی مەكتەبی رێكخستنەوە پرسەوسەرەخۆشیمان ئاراستەی  خانەوادەو كەسوكاری خوالێخۆشبوو دەكەین  خوازیارین دواكۆستی ئەم خانەوادە بەڕێزە بێت و رۆحی خوالێخۆشبووش بەبەهەشتی بەرین شادبكات.

و یەزدانی مەزن. سەبوری وئارامی بەخانەواەدكەی ببەخشێت

اناللە واناالیەراجعون 

مەكتەبی رێكخستنی 
یەكێتیی نیشمانیی كوردستان

PUKMEDIA