په‌رله‌مانتارێكی یه‌كێتی: نرخی نه‌وته‌كه‌ی عیراق زۆره‌

PUKMEDIA

په‌رله‌مانتارێكی یه‌كێتی: نرخی نه‌وته‌كه‌ی عیراق زۆره‌

په‌رله‌مانتارێكی یه‌كێتی له‌ ئه‌نجومه‌نی نوێنه‌رانی عیراق ده‌ڵێت:" هه‌وڵه‌كانمان به‌رده‌وامیی هه‌یه‌ بۆ كه‌مكردنه‌وه‌ی نرخی ئه‌و نه‌وته‌ی كه‌ بڕیاره‌ له‌لایه‌ن حكومه‌تی عیراقه‌وه‌ بۆ هه‌رێم بنێردرێت، چونكه‌ ئه‌وه‌ی ئێستا هه‌یه‌ له‌گه‌ڵ بازاڕدا جیاوازییه‌كی ئه‌وتۆی نیه‌و پێویسته‌ هاووڵاتیانی هه‌رێم وه‌ك هاووڵاتیانی دیكه‌ی عیراق به‌رمیلی به‌ 30 هه‌زار دینار وه‌ربگرن نه‌ك سه‌رو سه‌دهه‌زار دینار".

د.بڕیار ره‌شید ئه‌ندامی په‌رله‌مانی عیراق له‌ فراكسیۆنی یه‌كێتی به‌ PUKMEDIA ی راگه‌یاند:" هه‌موو ئه‌و ده‌نگۆیانه‌ی باس له‌ناردنی نه‌وتی سپی ده‌كه‌ن له‌عیراقه‌وه‌ بۆ هه‌رێمی كوردستان له‌هه‌وڵه‌كانی ئێمه‌یه‌ بۆ دابینكردنی نه‌وت بۆ خه‌ڵكی هه‌رێمی كوردستان".

 " حكومه‌تی عیراق به‌ ره‌سمی ره‌زامه‌ندی ده‌ربڕیوه‌ به‌ناردنی 50 ملیۆن لیتر نه‌وت بۆ خه‌ڵكی هه‌رێكی كوردستان، به‌ڵام ئێمه‌ لیترێك به‌ 500 دینار به‌نرخێكی زۆر ده‌زانین و له‌هه‌وڵداین ئه‌و نرخه‌ كه‌مبكه‌ینه‌وه‌" بڕیار ره‌شید وای وت.

ده‌شڵێت:" نرخی لیترێك نه‌وت به‌ 500 دینار ده‌ستكه‌وت نیه‌و به‌راورد به‌نرخه‌كه‌ی له‌ بازاڕ جیاوازییه‌كی ئه‌وتۆی نیه‌و ئێمه‌ له‌گه‌ڵ لایه‌نه‌ په‌یوه‌ندییه‌كانی عیراق له‌هه‌وڵداین تا ئه‌و نرخه‌ كه‌مبكه‌ینه‌وه‌و هه‌موو هاووڵاتیانی عیراق به‌هه‌رێمی كوردستانیشه‌وه‌ به‌ یه‌ك نرخ كه‌ 30 هه‌زار دیناره‌ بۆ هه‌ر به‌رمیلێك نه‌وتیان ده‌ستبكه‌وێت".

PUKMEDIA