Serokomar çavdêriya merasîma radestkirina 156 qurbaniyên Enfalê dike

Ragihandina serokomar

Wêneyê Merasîmê

 Di bin çavdêriya Serokomarê Îraqê Nizar Amêdî, û bi amadebûna nûnerê Serokomar û Serokê Desteya Şêwirmend û Pisporan li Serokomariya Dr. Elî Şukrî, îro Şemiyê 26ê Îlona 2026an, li avahiya Wezareta Tenduristiyê, merasîma radestkirin û vegerandina rufatên (156) şehîdên kurd ên enfalkirî û qurbaniyên gorên bikom bo Herêma Kurdistanê hate lidarxistin, daku amadekarî ji bo merasîma oxirkirin û veşartinê bên kirin.

Merasîm bi amadebûna hejmarek berpirs û şêwirmendên Serokomariyê, nûnerên Wezareta Tenduristiyê, Dezgeha Şehîdan û Dezgeha Şehîd û Enfalkiriyan a Herêma Kurdistanê hate lidarxistin.

Merasîm bi rêzgirtina zêrevaniya rûmetê dest pê kir, û di heman demê de taca kulîlkan li ser rufatên şehîdan hat danîn û sûreta Fatihayê ji bo giyanê wan hate xwendin.

Rufatên ku îro hatin radestkirin a sêyemîne ya qurbaniyên kurd ên enfalkirî ne ku rufatên wan di salên 2024 û 2025an de ji gorên Tel El-Şêxîye yên li navçeya Selman a parêzgeha Musenayê hatine derxistin.

Prose di çarçoveya operasyonên lêgerîna li rufatên qurbaniyên gorên bikom û naskirina nasnameya wan de birêveçûye, daku werin vegerandin bo Herêma Kurdistanê û merasîmên oxirkirin û veşartinê di goristanên taybet de bi awayekî ku li gel statuya şehîdan biguncê bên kirin, û bibe nîşaneya dilsoziya li hember qurbaniyên wan di rûbirûbûna tawanên ku ji aliyê rejîma berê ve hatine kirin de.

PUKMEDIA