Destpêşxeriya Yekîtiya Demokratîk kuştina şervanekî û bûyerên li Kobanê şermer dike

Ajans

Destpêşxeriya Yekîtiya Demokratîk

Destpêşxeriya Yekîtiya Demokratîk derbarê kuştina şervanekî Kurd û aloziyên dawî û şewata girtîgeha Kobanê de daxuyaniyeke tund belav kir.

Destpêşxeriya diyar kir ku ev kiryarên li dijî gelê Kurd nayên pesendkirin û bang li hikûmeta veguhêz ya Şamê û hêzên garantor kir ku yekser berpirs û kujeran siza bikin û rê li ber pîlangeriyan bigirin.

Di daxuyanoiyê de hatiye ku şervanê Kurd Sîpan Hiznî, ku endamê Lîwaya Hesekê bû, ji aliyê hindek hêzên çekdar ve bi awayekî hovane hatiye kuştin. Piştî bûyerê gelê Rojava bertek nîşan daye, lê rastî destwerdaneke tund hatiye.

Her weha derbarê bûyera Zîndana Kobanê Destpêşxeriya Yekîtiya Demokratîk amaje bi trajediya şewata girtîgeha Kobaniyê kir, destnîşan kir ku di bûyerê de 9 kesan jiyana xwe ji dest dane û 18 kes jî birîndar bûne, û sersaxî ji malbatên qurbaniyan re xwest.

Destpêşxeriya Yekîtiya Demokratîk Banga li Hikûmeta Veguhêz ya Şamê kir û got:Eger ev bûyer pîlangerî bin, divê hikûmeta demkî ya Şamê tavilê tawanbaran desteser bike û wan bê siza nehêle.

Ji aliyekî din ve Destpêşxeriya Yekîtiya Demokratîk tekez kir ku Kurd ne tenê ne û ne bê xwedî ne, çavên gelê Kurdistanê li ser Rojavayê ne",û  bang li hêzên gerantor hate kirin ku berpirsiyariyên xwe ji bîr nekin û ji bo ewlehiya hemû pêkhate û gelên herêmê rola xwe bilîzin.

PUKMEDIA