Di encama ji rêderketina balafireke li balafirgeha Miyamî 10 kes bûn qurbanî

PUKMEDIA

Bûyera Balafirê

Di bûyera derketina balafireke barhilgirtinê yê Emezonê ji ser rê, pênc kes li Balafirgeha Navneteweyî ya Miyamî hatin kuştin, û pişt re agir bi balafirê ket, li gorî daxuyaniya rêveberiya agirvemirandinê.

Ray Cadulah, serokê rêveberiya agirvemirandinê li wîlayeta Miyamiyê-Dîd, ji rojnamevanan re ragihand ku ji bilî pênc miriyan, sê kes rakirine navendên pispor ên dermankirina birînên giran û rewşa wan "giran e", di demekê de ku du kesên din li nexweşxaneyeke herêmî hatine dermankirin. Her weha balafirê li gelek otombîlan xist û ev yek bû sedema "qurbaniyên ku bi rastî di hundirê otombîlên xwe de asê mane.
Wî zêde kir ku sedema rast a bûyerê dê ji aliyê Rêveberiya firîna Fîderal û Desteya Neteweyî ya Ewlehiya Veguhestinê ve bê diyarkirin.

Desteya Neteweyî ya Ewlehiya Veguhestinê di daxuyaniyekê de li ser platforma X ragihand ku balafira bargirtinê ji cura Boyng 767-300 di geşteke ji San Xwan a Bortorîkayê ber bi Miyamî ve bûye, û wan "tîmeke pispor şandiye da ku lêkolînê li ser bûyera derketina balafirê ji rêça balafirgehê ya ku roja Yekşemê qewimî bike.

Piştî bûyerê, Wezîrê Veguhestinê yê Amerîkayê Sean Duffy ragihand ku wî biryarek daye ku hemû geştên esmanî li ser erdê bi tevahî li Balafirgehê bên rawestandin, di demekê de ku tîmên bersivdayîna ewil cih dinirxînin piştî ku balafireke bargirtinê ya Amazonê dawiya rêça balafirgehê derbas kir.

PUKMEDIA