Dubare Hatimogullari û Bekiran bûn hevserokên DEM Partî

Ajans

Dîmenek ji kongreya 5. DEM Partî

Îro,Yekşem rêkefta (06-09-2026).an bi beşdariya hejmarek zêde ji endamên DEM Partî û berendam û mêvan li bajarê Enqere pêncemîn Kongreya Giştî  ya ne asayî ya DEM Partî bi rêve diçe.

Pêncemîn Kongreya Giştî ya ne asayîya  Partiya Wekhevî û Demokrasiya Gelan (DEM Partî) li Navenda Çandî ya Nazim Hikmet li navçeya Yeni Mahalle ya bajarê Enqerê paytexta Turkiyê bi beşdariyeke berfireh ji nûner û endamên partiyê ji bajarên bakurê Kurdistanê û Turkiye îro bi rêve diçe.

Kongre bi beşdariyeke berfireh ji bajarên bakurê Kurdistanê û Turkiyê pêk hat ku di hola kongreyê depankarteke bi nivîsa "Jin Jiyan Azadî" (Jin, Jiyan, Azadî) hatiye daliqandin.

Dayikên Aştiyê, Hevserokên Giştî yên Partiya Herêmên Demokratîk (DBP) Çîgdem Kiliçgun Uçar, Keskîn Bayindir, Berdevka Platforma Piştgiriya Sosyalîstan (SODAP) Kezban Konukçu, Serokê SYKP’ê Mertcan Tîtîz, Seroka Giştî ya Partiya Şoreşger ya Yekgirtî Elîf Torun, Hevberdevkê Partiya Çepên Kesk Ahmet Asena, Berdevka Destpêşxeriya Yekitiya Demokratîk Gulcan Kaçmaz Sayyîgît û endam û nûnerên partiyên siyasî û saziyên sivîl tevlî kongreyê bûn.

Hêjayî gotinê ye ku her du hevserokên Partiya Wekhevî û Demokrasiya Gelan, Tulay Hatimoglu û Tuncer Bekiran, di dema kongreyê de gotaran pêşkêş kirin û piştre raportên li ser çalakiyên DEM Partiyê jî hatin xwendin.
 

Bi 535 dengên delegeyan Tuncer Bakirhan û Tulay Hatimogullari careka din weke hevserokên giştî  yên DEM Partî hatin hilbijartin.

Bakirhan piştî hilbijartina xwe got: Destkeftiyên Kurdan li herêmê ne gef in, lê ew destkeftiyên Turkiyê ne û destkeftiyên Turkiyê destkeftiyên Kurdan in.

Hatimogullari piştî hilbijartina xwe got: Dema ku zimanê aştiyê biguhere, em nikarin bi zimanê kevin berdewam bikin û dema ku pirsgirêka Kurd bikeve qonaxek nû, em nikarin bi amûrên kevin siyasetê bikin.

Kongreya Berfireh di Bihara 2027an de dê bê sazkirin

Piştî 5emîn Kongreya Asayî, Partiya DEM Partî pîlan dike ku kongreyek berfireh ji bo guhertin û ji nû ve avakirinê, paralel bi pêvajoya aştiyê re, li darbixe ku tê çavrêkirin ku ev kongre di bihara 2027.an de, bi hevrêziya pêkanîna Yasaya Xurtkirina Hevgirtina Neteweyî û Tevlîbûna Civakî, pêk were.

PUKMEDIA