Di teqînekê de li Meksîka hejmarek kes birîndar bûn

Ajans

Dîmenek ji cih teqînê

Li eyaleta Zacatecas a Meksîkayê, di êrîşeke bi wesayîteke bombebarkirî de li dijî qereqoleke polîsan 10 kes birîndar bûn, ku du ji wan bi giranî birîndar bûn.

Nivîsgeha Serdozgerê Giştî li eyaleta Zacatecas ya Meksîkayê di daxuyaniyekê ragihand ku teqînek bihêz li nêzîkî avahiya Daîreya Polîsan ya Ojocaliente li eyaletê rû da û di encamê de 10 kesên ku di êrîşê de birîndar bûne, rewşa du kesan giran e.

Serdozger Cristian Paul Camacho ji radyoya Grupo Formula re axivî û piştrast kir ku endamên rêxistineke sûc şeva Yekşemê êrîşeke çekdarî li ser Navenda Polîsan pêk anîne û got:Mixabin, êrîşkaran di kiryarên xwe de teqemenî jî bi kar anîne.

Camacho tekez kir ku hêzên ewlehiyê operasyonek dane destpêkirin û got:Bi tevahî 10 kes birîndar bûne, di nav wan de polîs jî hene.

Medyaya herêmî êrîş wekî "teqîna otomobîleke bombebarkirî" bi nav kir, û li gorî îdiayên ku ji hêla Serdozgerê Giştî ve hatine piştrast kirin, tê bawerkirin ku dibe ku ji hêla endamên Kartelê Nifşê Nû ya Jalisco (CJNG), ku yek ji rêxistinên sûcdar yên herî bihêz ên welêt e, ve hatibe kirin.

Ji aliyekî din ve, Kabîneya Ewlehiyê ya hikûmeta Meksîkayê jî li ser vê mijarê daxuyaniyek da û got:Piştî êrîşa bi teqemeniyek li dijî Daîreya Polîsan ya Ojocaliente, em bi tevahî bi rayedarên dewletê re di lêpirsînên ku ji bo ronîkirina bûyeran û tespîtkirin û girtina berpirsiyaran hatine destpêkirin de dixebitin.

PUKMEDIA