Darayiya Îraqê ji bo bûdçeya 2027an şandeke Herêmê vedixwîne

PUKMEDIA

Logoya Hikûmeta Herêmê û Îraqê

Wezareta Darayî ya Îraqê dixwaze berî ku reşnivîsa bûdçeya 2027an bişîne Encumena Nûneran, dawî li nakokiyên xwe yên darayî yên bi Herêma Kurdistanê re bîne.

Ji bo vê armancê, Wezîrê Darayî yê Îraqê Falih Sarî xwest ku di vê heftê de şandeke herêmê biçe Bexdayê daku li ser para veqetandî û şayesiyên darayî bigihin lihevkirineke dawî.

Li gorî agahiyan, Wezareta Darayî ya Îraqê bi awayekî fermî daxwaza şandekê ji Wezareta Darayî ya Herêma Kurdistanê kiriye ku serdana Bexdayê bike û Wezîrê Darayî yê Îraqê Falih Sarî jî red kiriye ku bêyî hebûna heyeta herêmê bikeve nav hûrgiliyên para sala 2027an.

Ji ber vê yekê biryar hatiye dayîn ku di vê heftê de gotûbêjeke berfireh li ser para herêmê di bûdçeya federal de bê kirin, daku Wezareta Darayî reşnivîsa bûdçeya 2027an bi hevahengiya her du aliyan amade bike.

PUKMEDIA