YPJ: Em weke hêzeke taybet tevlî Wezareta Navxwe dibin

Jinha

Yekîneyên Parastina Jin

Fermandariya Giştî ya Yekîneyên Parastina Jin (YPJ‘ê) derbarê hevdîtinên ku li Şamê pêk tîne de ragihandiye ku, hevdîtin bi awayek erênî û avaker derbas bûne, ji bo temamkirin û encamkirina pêvajoya tevlîkirina Hêzên YPJê dê hevdîtinên wan berdewam bikin.

Fermandariya Giştî ya (YPJ)ê derbarê hevdîtinan de daxuyaniyek weşand û eve jî naveroka wê ye:

Di dîroka 26’ê Tebaxê de fermandariya me ya Yekîneyên Parastina Jin (YPJ) bi şandeke fermî ya Wezareta Hundirîn a Hikûmeta Veguhêz a Şamê re hevdîtinek pêk anî.

Di hevdîtinê de, mijara ewlehî û aramiya Sûriyê û pêşeroja hevkarî û hevrêziyê di navbera her du aliyan de bi awayekî berfireh hate nîqaşkirin.

Rojeva sereke ya civînê pêşeroja YPJ’ê bû, hate tekezkirin ku YPJ wek hêzeke taybet û rêxistinkirî dikare di nava Wezareta Hundirîn de were entegrekirin.

Hevdîtin bi awayek erênî û avaker derbas bûn, ji bo temamkirin û encamkirina pêvajoya entegrasyonê di çarçoveya peymana 29’ê Çileya 2026’an de, wê hevdîtin û danûstandinên me berdewam bikin.

PUKMEDIA