Lehiyeke wêranker navçeyên ser sînorê di navbera Çîn û Nîpalê de girt ber xwe

PUKMEDIA

Lehî

Lehiyeke wêranker navçeyên çiyayî yên li ser sînorê navbera Çîn û Nîpalê girt bin xwe û li gorî zaniariyan, heta niha nêzîkî 200 kesan jiyana xwe ji dest dane û zêdetirî hezar kesî jî wenda ne.

Li gorî rapora Dezgeha Lêkolînê ya erdnasiyê a Amerîkayê (USGS), sedema sereke ya karesatê, hilweşîna beşekî mezin ji qeşayê bûye ku bûye sedema çêbûna pêleke bi hêz a avê û hilweşandina gund û piran, û ji ber vê yekê jî heta niha 177 kesan jiyana xwe ji dest dane û zêdetirî 1300 kesî jî winda ne ku 700 kes ji wan geştiyarên biyanî ne.

Piştî 22 demjimêran ji karesatê, tîmên rizgarkirinê yên Çînê bi alîkariya helîkopterên leşkerî gihîştine deriyê sînorî yê Cîrongê ku navendeke sereke ya bazirganiyê ye di navbera her du welatan de. Di heman demê de, rêjeya baranbarîna berdewam û metirsiya rûxîna zeviyê, lehiyên din li pey xwe anîne û ev yek karê tîmên rizgarkirinê girantir kiriye.

PUKMEDIA