Li Haîtî çekdaran êrişî kampek penaberan kirin û bi dehan kes kuştin

PUKMEDIA

Dîmenek girseyê piştî êrişê

Neteweyên Yekbûyî ragihand ku di êrîşeke grûpeke çekdar de şeva borî de li ser taxeke ku li ser Port-au-Prince, paytexta Haîtîyê ye, nêzîkî 50 kes hatin kuştin û zêdetirî 20 kes jî birîndar bûn, ev yek jî bûye sedema nerazîbûna niştecihên taxê ji ber nebûna parastinê ji êrîşên dubare yên kujer.

Li bajaroka Kenscoff a li rojhilatê paytexta Haîtî Port-au-Prince, tundiya li dijî sivîlên bêparastin rûyekî nû nîşan daku endamên grûpeke çekdar êrîşî  kampek penaberan di nav Dêrekê de ku ji aliyê malbatên koçber ve wekî kamp dihate bikaranîn kirin û di encama êrîşê de, 47 kesên ku ji ber şer reviyabûn û koçber bibûn hatin kuştin û 22 kes jî birîndar bûn,ku ev trajîdî careke din nîşan dide ku çawa gelê Haîtî yê bêparastin di navbera şerê hêzên herêmî û lawaziya saziyên dewletê de hatiye mehkûmkirin.

Li Haîtiyê, ji ber tunebûna sistemeke siyasî ya bi aramî û xizmetguzariyên bingehîn, grûpên çekdar herêmên berfireh yên paytextê kontrol dikin û li gorî amarên Neteweyên Yekbûyî, zêdetirî milyon û nîvek mirov ji malên xwe koçber bûne û zêdetirî 5 mîlyon kes di bin sîbera birçîbûn û bê ewlehiya xwarinê de dijîn.

PUKMEDIA