Pijîşkiyan: Baştire ku şer îro bi dawî bibe, di demekê de ku Îran xwedî pêgeha hêzê ye

PUKMEDIA

Mesûd Pizîşkiyan serokê Îranê

Serokê Îranê Mesûd Pizîşkiyan xwest ku şerê bi Amerîkayê re berdewam dike "îro" bê bidawîkirin, li gorî gotina wî.

Mesûd Pizîşkiyan zêde kir ku çêtire şer îro bê bidawîkirin, di demekê de ku Îran di "Pêgeheke hêzê" de ye. Di civîneke bi bijîşkên li Tehranê de Pizîşkiyan got: Çêtir e ku şer îro bê bidawîkirin, di demekê de ku em di cihê hêzê û rûmetê de ne, û di demekê de ku cîhan bi tevahî serketina me dipejirîne," û tekez kir ku "Amerîkayê êrîşî dibistan, nexweşxane û bingehên me kir di binpêkirina hemû rêziknameyan de, û ew li seranserê cîhanê nayê hezkirin.

Serokê Îranê tekez kir ku tiştê di dema danûstandinan de hatiye bidestxistin "destkeftineke mezin" bû, û eşkere kir ku Encûmena Bilind a Asayişa Neteweyî ya Îranê vê "destkeftiyê" pesend kiriye.
Û wî zêde kir ku di yadeştnameya têgihiştinê ya bi Amerîkayê re hatiye îmzekirin de mirov ti xaleke nabîne ku amaje bi "teslîmbûna" Îranê bike. Belê Pizîşkiyan got ku "hemû pabendbûn bi aliyê din re têkildar in", wek nîşanek ji Amerîkayê.

Pizîşkiyan di axaftina xwe de bal kişand ser girîngiya "dadperweriyê û dûrketina ji xweperestiyê" û banga "derbaskirina nakokiyan û xebata bi hevra ji bo xizmetkirina gelê Îranê" kir. Divê berpirs berpirsiyariya çareserkirina pirsgirêkên welatiyan hilgirin ser milê xwe.

Lêbelê wî tekez kir ku "Ev mijar nayê wê wateyê ku ger bixwazin êrîşekê pêk bînin, divê em teslim bibin, ev herdu tiştekî cuda ne, eger şer berdewam bike em ê heta henaseya xwe ya dawî li ber wan rabin û bi awayekî kujer bersiva wan bidin.
Pizîşkiyan ev daxuyanî dan piştî ku Wezareta Derve ya Îranê roja pênçşemê ragihand ku siza û dorpêçên giran ên ku rêveberiya Serokê Amerîkayê Donald Trump soz da ku li ser Tehranê bisepîne, "terora aborî" ne û wekî "sûcekî li dijî mirovahiyê" tên dîtin.


PUKMEDIA