Tevgera deryayî ya li Tengava Hurmuzê bi rengekî berçav kêm bûye

PUKMEDIA

Tengava Hurmizê

Pêncşema çûyî, liv û tevgera deryayî ya li tengava Hurmizê paşve çû, bi awayek ku li gorî roja berê, hejmara keştiyên barhilgiran ku derbas bûn bû nîvî, û ev yek jî ji ber berdewamiya rewşa nediyar a danûstandinên navbera Amerîka û Îranê ye.

Di heman demê de, agahiyan ti derbasbûneke ji bo keştiyên petrolê yên mezin an jî keştiyên gaza xwezayî ya şilkirî (LNG) tomar nekirine, di demekê de ku tenê yek keştiyeke mezin a gazê ku propan û bûtane hilgirtibû, ji rêça îranî ve derbas bûye.

Her wiha, li tengava Bab el-Mendebê jî liv û tevgera deryayî bi heman rengî paşve çûye û li gorî agahiyan, 16 keştî derbasî tengava Bab el-Mendebê bûne û 7 keştî jî jê derketine, di nav wan de du keştiyên neftê yên navîn hebûn ku petrola xav ji bo Vîetnam û Hindistanê vediguhestin.

PUKMEDIA