Amara nûh a qurbaniyên erheja Kolombiyayê 319 qurbanî ne

PUKMEDIA

erdheja Kolombiya

Li gorî daxuyaniya Rêveberiya Nîştimanî ya Rêveberiya metirsiyên Karesatên Xwezayî, hejmara kesên ku di encama erdheja li Kolombiyayê de jiyana xwe ji dest dane gihîşt 319 kesan û 260 kes jî hînê winda ne.

Di daxuyaniya ku li ser platforma "X" de hat weşandin de wiha hat gotin: 319 kesan jiyana xwe ji dest dan, 4469 kes birîndar bûn, 260 kes hînî winda ne û 364 kes hatin rizgarkirin." Her wiha hat diyarkirin ku 549 ajal jî hatine rizgarkirin.
Li gorî nirxandina dawî ya rayedaran, erdhejê nêzîkî 31 hezar mal wêran kirin û zirar gihişt 151.995 avahiyan.

Erdheja ku bi mezinahiya 7.4 pileyan li gorî pîvana Rêxter pêk hatibû, di 10ê Tebaxê de li nêzî bajarê San Jose del Palmar ê herêma Choco ya li rojavayê Kolombiyayê qewimîbû.
Li gorî texmînên rayedaran, bandora erdhejê li ser 15 herêmên welat çêbûye û di raporên berê de hatibû ragihandin ku 312 kesan jiyana xwe ji dest dane.

PUKMEDIA