Tenê şeş keştî di tengava Hurmizê re derbas bûn

PUKMEDIA

Tengava Hurmizê

Tevgera keştiyên bazirganî û petrolhilgirê li Tengava Hurmizê gelekî kêm bûye û duh tenê şeş keştî derbasî tengavê bûn, ku yek ji wan ti bar hilnegirtibû û yên din jî bi qebareya navîn û biçûk bûn.

Li gorî şîrketa Kpler, roja sêşemê 18/8/2026an, tenê şeş keştî derbasî tengavê bûn, di demekê de ku roja duşemê neh keştî derbas bûbûn, ev jî kêmtirîn aste ku di 10 rojên borî de hatiye tomarkirin, ku rojane bi giştî 11 keştî derbas dibûn.

Ji aliyekî din ve, kampaniya Vortêkse ya çavdêriya keştîvaniyê eşkere kir: Du kampaniyên mezin ên Çînî di warê keştîvaniyê de, ku berê nîvê nefta hawirdekirî ya Rojhilata Navîn ji bo Çînê diguhaztin, ji dawiya meha tîrmehê ve ji ber metirsiyên ewlehiyê, tevgera keştiyên xwe ji Tengava Hurmizê ber bi Bab el-Mendeb ve guhertine.

Daneyên kampaniya Kpler diyar kirine ku li Tengava Bab el-Mendeb a li Deryaya Sor, di destpêka vê hefteyê de 30 keştiyên ku hilgirên kelûpelên curbicur bûn derbas bûne, ku berê tenê 19 keştî bûn.

Ev yek di demekê de ye ku duh Donald Trump, Serokê Amerîkayê ragihand: Waşînton ti danûstendineke bi Îranê re nake û Tengava Hurmizê jî vekirî ye, di heman demê de Îran jî tekezî li ser girtina tengavê dike.

PUKMEDIA