Serokê Parlemana Îranê gihîşte Bexdadê

INA

Serokê nParlemana Îranê li balafirxaneya Bexdadê

Serokê Parlamentoya Îranê bi serdaneke fermî gihîşt Îraqê û tekez jî kir ku Tehran û Bexda tekezî li ser peywendiyên dîrokî û çarenivîsa hevbeş a di navbera xwe de dikin.

Li gorî daxuyaniyekê ji buroya ragihandinê ya Encumena Nûnerên Îraqê Mihemed Baqir Qalîbaf, Serokê Parlamentoya Îranê, bi serdaneke fermî gihîşt paytexta Bexdayê û ji aliyê Ednan Feyhan Cîgirê Yekem ê Serokê Encumena Nûneran ve hate pêşwazîkirin.
Serokê Parlamentoya Îranê dema ku bi rê ket di postekî xwe de li ser X nivîsandiye, peywendiyên di navbera her du gelên Îraq û Îranê de wekî peywendiyeke dîrokî û nepçûrayî tên pênasekirin ku li ser bingeha cîrantiyê, biratiyê û rûbirûbûna astengiyên berdewam hatiye avakirin.

Mihemed Baqir Qalîbaf da zanîn ku her du alî hevbeş in di redkirin û têkoşîna li dijî destwerdanên biyaniyan de li navçeyê, û got jî bawermendiya tam bi çarenivîsa hevbeş a her du welatan hemdera sereke ya pêşveçûna wan peywendiyan e.

Biryar e Qalîbaf sê rojan li Îraqê bimîne, di vê serdanê de ligel hejmarek ji berpirs û kesayetên siyasî bicive, ji bo gotûbêjkirina çend dosyayên hevbeş di navbera Bexda û Tehranê de.

PUKMEDIA