Serok Bafil pesna rola serokkomar dide

Nivîsingeha Rojnamevanî ya Serok Bafil

Bafil Celal Talebanî û Nîzar Amêdî

Bafil Celal Talebanî Serokê Yekîtiya Niştimaniya Kurdistanê (YNK) li Bexdayê digel Nîzar Amêdî Serokomarê Îraqê civiya.

Rewşa giştî ya welêt û herêmê hate gotûbêjkirin û tekezî li ser berdewamiya diyalogê di navbera aliyên neteweyî de ji bo çareserkirina pirsgirêkan û parastina ewlehî û aştiyê û misogerkirina jiyaneke baş ji bo gel hate kirin.

Di civînê de li ser pirsgirêkên di navbera Herêma Kurdistanê û Bexdayê de nêrîn hatin pevguhertin û tekezî li ser pêwîstiya çareserkirina wan li ser bingeha destûrê hat kirin.

Serokê Yekîtiya Niştîmanî ya Kurdistanê (YNK) pesna hewlên Serokkomar yên ji bo nêzîkkirina nêrînên cuda û dûrxistina Îraqê ji aloziyên siyasî da.

PUKMEDIA