Wezîrê Derve yê Çînê piştî 5 salan dê serdana Koreya Başûr bike

Nivîsingeha Wezareta Derve ya Koreya Başûr

Wezîrê Derve yê Koreya Başûr Cho Hyun (çep) di hevdîtineke berê de destê Wezîrê Derve yê Çînê Wang Yi dihejîne.

Wezareta Derve ya Koreya Başûr îro roja Sêşemê rêkefta (18-08-2026).an ragihand ku Wezîrê Derve yê Çînê Wang Yi dê di navbera 19 û 20ê Tebaxê de serdana Koreya Başûr bike, ev serdaneke wî ya fermî ye di pênc salan de.

Serokê Koreya Başûr Lee Jae Myung dê roja Pêncşemê li Koşka Şîn pêşwaziya Wang bike, li wir dê li ser peywendiyên dualî û karûbarên herêmî biaxivin û li gorî nivîsingeha serokatiyê ya Koreya Başûr, Lee dê silavên xwe ji Serokê Çînê Xi Jinping re jî bigihîne.

Tê çavrê kirin ku Wang bi Şêwirmendê Ewlekariya Neteweyî Wi Sung-lac re hevdîtinan bike û beşdarî firavînekê bibe,nivîsingeha serokatiyê ragihand ku dê di hevdîtinan de peywendiyên Koreya Başûr-Çînê, pêşketinên li Nîvgirava Koreyê û mijarên din yên herêmî û navneteweyî hebin.

Piştî gihîştina wî ya roja Çarşemê, tê çavrê kirin ku Wang bi Wezîrê Derve Cho Hyun re hevdîtinan bike û beşdarî şîvekê bibe.
Wezareta Derve ya Koreya Başûr ragihand ku ev serdan beriya civîna APECê ya li Shenzhenê ya di Mijdarê de tê û tê çavrîkirin ku ji bo her du welatan derfetek peyda bike ku pêşketinên di vegerandina têkiliyên dualî de binirxînin û ji bo qonaxa din ya danûstandinên asta bilind amade bibin.

PUKMEDIA