Îran nêrînên Qeter û Kuweytê derbarê leşkerên girtiyên Îranî red dike

LBCI Libnanê

Ala Îranê

Medyaya Îranê ragihand ku berpirsekî leşkerî yê Îranê îro roja Yekşemê rêkefta (16-08-2026.an) ragihand ku divê Qeter rê bide tîmeke Îranî bikeve nav wî welatî daku çarenivîa pîlotên ku Tehran dibêje ji aliyê hêzên Qeterê ve hatine girtin lêkolîn bike.

Ji aliyê xwe ve; Qeter red dike ku pîlotên Îranî girtiye, duh roja Şemiyê got:Tîmên lêgerîn û rizgarkirinê yên wê piştî ku balafirên Îranê di meha Adarê de qada esmanî ya Qeterê binpê kirin û bersiv nedan hewildanên ji bo têkilî bi wan re, termên pîlotekî dîtine.

Qeterê aşkere kir ku wê ji bo hevrêzkirina radestkirina terman bi Îranê re peywendî danî û Tehran vexwendiye ku hûrguliyên operasyonên lêgerîn û rizgarkirinê yên xwe binirxîne, lê çi bersiv negirtiye.

 Li gorî ajansa nûçeyan a nîv-fermî Tesnim, Mihemed Baqirzade, fermandarê Komîteya Lêgerîna Kesên Winda yên Fermandariya Giştî ya Hêzên Çekdar yên Îranê, ragihand ku pisporekî Hêza Esmanî ya Îranê û tîmeke lêkolîna rastiyan bi mehan li benda ketina Qeterê bûn.

Baqirzade berpirsên Qeterê tawanbar kir ku bi berdewamî lêpirsînê dereng dixin û rê li ber vegera pîlotan bo Îranê digirin; her weha bang li Komîteya Navneteweyî ya Xaça Sor kir ku bi lez û bez dozê bişopîne.

Baqirzade her wiha got ku Kuweyt bi heman awayî zanyariyên li ser çarenivîsa çar Îraniyên ku li Kuweytê hatine girtin vedişêre.

Ev yek di demekê de ye ku, di meha Gulan ya borî de, Îranê gotibû:Çar kes YêN girêdayî Pasdarên Şoreşê ne û berî ku bikevin nav avên herêmî yên Kuweytê ji ber astengiyekê, di dewriyeyeke deryayî de bûn; Kuweytê dazanîn ku guman tê kirin ku çar kes çalakiyên dijminane li dijî welêt pilan dikin.

Çavkanî:Reuters

PUKMEDIA