Almanya mafên ji sedî 23.2 yên penaberên Sûrî nade wan

Ajans

Penaberên Sûrî li Almanya

Nivîsingeha Federal ya Koçberî û Penaberan a Almanya (BAMF) ragihand ku di şeş mehên yekem yên sala 2026'an de, mafê parastinê yê ji sedî 23.2'yê koçberên Sûriyê yên hatine kontrolkirin hatiye vekişandin.

Siyaseta penaberiyê ya Almanya li hemberî welatiyên Sûriyê ber bi guhertineke berçav ve diçe,hikûmeta Almanya, di bersiva lêpirsîna parlamenî ya Partiya Çep de, amarên nû yên derbarê betalkirina statuyên parastinê de parve kirin û li gorî wan amaran, êdî hejmara Sûriyên ku mafê wan yê parastinê tê betalkirin zêde dibe.

Nivîsingeha Federal ya Koçberî û Penaberan a Almanya (BAMF) aşkere kir ku di destpêkê de ev lêkolîn tenê ji bo kesên tevlî tawanan bûne yan jî ji bo ewlehiya giştî gef tînin sînordar kiribû,ê encamên nû nîşan didin ku kontrol berfirehtir bûne û ji sedî 23.2’yê nirxandinan bi betalkirinê bi dawî bûne.

Ev pêvajoya nû piştî hilweşîna rêjîma Beisê ya di dawiya sala 2024.an de dest pê kir,bi guhertina desthilatdariyê re, bi sed hezaran penaberên Sûriyî yên li welatên hevsê wek Turkiye, Lubnan û Urdunê vedigerin ser axa xwe, ku ev yek bandorê li biryarên qonaxên penaberiyê yên li Ewropa jî dike.

PUKMEDIA