Serokê Koreya Başûr ji bo aştiyê banga danûstandinan li Koreya Bakur kir

Ajans

Serokê Koreya Başûr Lee Jae-myung

Serokê Koreya Başûr Lee Jae-myung, roja Şemiyê ragihand ku ew amade ye ji bo encamdana danûstandinan bi Koreya Bakur re bi armanca bidawî anîna fermî ya Şerê Koreyê, û banga li Pyongyangê kir ku dev ji gefan berde û li ser maseya diyalogê rûnin.

Lee, di gotarekê de ku di merasîma salvegera 81an a rizgarkirina Koreyê ji dagirkeriya Japonî de pêşkêş kir, got ku divê her du alî dev ji gefxwarina hevdu berdin û dest bi danûstandinan bikin, ji ber ku ew her du aliyên rasterast ên di şer de ne, ê ku di sala 1953an de bi agirbestekê bê îmzekirina peymaneke aştiyê bi dawî bibû.

Serokê Koreya Başûr her wiha anî ziman ku diyalog dikare rê bide gotûbêjkirina pêngavên bibandor ji bo rawestandina pêşxistina kapasîteyên atomî yên Korêya Bakur, piştî ku wî berê pêşniyara danûstandinên bê şert û merc bi Pyongyangê re li ser bernameya wê ya atomî kiribû.

Koreya Bakur gelek caran tekez kiribû ku devjêberdana ji çekên xwe yên atomî ne li ser maseyê ye, bi taybetî ji dema têkçûna lûtkeya ku serok Kim Jong Un û serokê Amerîkî Donald Trump di sala 2019an de anîbû cem hev, ji ber nakokiyên li ser rakirina çekên atomî û sivikkirina cezayên li ser Pyongyangê.

Di Tîrmeha borî de, Wezareta Yekîtiyê ya Koreya Başûr guhertina pêşîniyên xwe ragihand, û ji hilweşandina bernameya atomî ya Korêya Bakur derbasî hewldana rawestandina pêşxistina wê bûye.

Her du Kore ji aliyê teknîkî ve hê jî di rewşa şer de ne, ji ber ku şerê ku di navbera salên 1950 û 1953an de dewam kir bi peymaneke agirbestê bi dawî bû ne bi peymaneke aştiyê, di demekê de ku herêmeya bêçek ku di navbera wan de ye, wekî yek ji herêmên sînorî yên herî bi ewle li cîhanê tê hesibandin.

PUKMEDIA