NY: Ebola di her 30 xulekan de jiyana kesekî distîne

UNICEF

Hişyarîkirina xelkê ji bo xweparastinê ji vîrosê

Neteweyên Yekbûyî (NY) derbarê belavbûna metirsîdar û bilez a vîrusa Ebola li Komara Demokratîk a Kongoyê de hişyarî da û diyar kir ku ev nexweşî di her 30 xulekan de jiyana kesekî distîne, digel vê yekê jî tirsek heye ku heke bersivdayîneke navneteweyî ya lezgîn çênebe, ev nexwşî bibe ya herî kujer di dîrokê de.

Alîkarê Sekreterê Giştî yê Neteweyên Yekbûyî ji bo Karên Mirovî û Koordînatorê Alîkariya Lezgîn (Tom Fletcher) ragihand ku ev belavbûna niha ya herî lezgîn e di dîrokê de û hişyarî da ku vîrus bi lezekê pêş ve diçe ku dibe ku hêza desthilatdarên tenduristiyê û civaka navneteweyî derbas bike ji bo kontrolkirina wê.

Ji dema ragihandina vê belavbûnê di 15ê Gulanê de, desthilatdaran zêdetirî 4500 nexweş û nêzîkî 2128 mirin tomar kirine, di heman demê de nexweşî li şeş parêzgehên welêt belav bûye, û li Ûgandayê jî pêlav hatine tomarkirin ligel dîtina rewşan li nêzîkî sînorê bi Sûdana Başûr re.

Hewldanên têkoşîna li dijî vê nexweşiyê bi astengiyên mezin re rû bi rû ne ji ber tundûtûjiyê, qelsiya binesaziya tenduristiyê û zehmetiya gihîştina hin navçeyên ku zirar dîtiye, di demekê de ku Rêxistina Tenduristiyê ya Cîhanê (WHO) hewl dide rêjeya şopandinê ji sedî 80 bibe ji sedî 95.

Di aliyê darayî de, Neteweyên Yekbûyî ragihand ku 30.5 mîlyon dolarên din ji sindoqên lezgîn veqetandine, ligel 24 mîlyon dolarên ku berê hatibûn terxankirin ji bo rûbirûbûna metirsiyên belavbûna vîrusê. Di heman demê de bexşeyên navneteweyî yên ji bo sindoqa têkoşîna li dijî nexweşiyê gihîştine nêzîkî 300 mîlyon dolarî.

Rêxistina Tenduristiyê ya Cîhanê hêvî dike ku di nava sê mehan de veguhastina vîrusê hêdî bike.

Tom Fletcher, banga li civaka navneteweyî kir ku fînansmanê lez bikin û bersivdayîna tenduristî û mirovî berfireh bikin berî ku belavbûna vîrusê şiyana aliyên peywendîdar derbas bike ji bo kontrolkirina wê.

PUKMEDIA