Serokwezîr û Fermandarê Centcom:Hêzên hevpeymaniyê di dema xwe de ji Îraqê diçe

Nivîsingeha Ragihandin

Dîmenek ji civînê

Serokwezîrê Îraqê li Bexdayê digel fermandarê Fermandariya Navendî ya Hêzên Amerîkî re civiya û wan tekezî li ser pabendbûna bi dawîhatina erkê hevpeymaniyê li Îraqê û kontrolkirina çekên di destê dewletê de kirin.

Nivîsgeha ragihandina serokwezîr di daxuyaniyekê de ragihand ku serokwezîrê Îraqê Elî Zeydî pêşwazî li Fermandarê Fermandariya Navendî ya Amerîkayê Charles Brad Cooper (Centcom) kir; di civînê de, serokwezîrê Îraqê tekezî li ser pêwîstiya pabendbûna bi dema dawî ya erkê hevpeymaniyê li Îraqê kir, ku 30ê Îlona 2026an wekî dema dawî ye.

Her weha got: Roja 1ê Cotmeha 2026.an dê ji bo Îraqê rojek nû be, ji ber ku ti hêzên biyanî li Îraqê namîne û serweriya tevahî dê bi dest bixe, ku dikare aramiya welêt biparêze.

Derbarê çekdanana grûpan jî, serok wezîrê Îraqê ragihand ku berhevkirina çekan tenê di destê dewletê de dê her kesî biparêze û serwerî û hêza dewletê xurt bike, û ewlehî û aramiyê dê gerantî bike.

Li gorî daxuyaniya nivîsingeha ragihandina serokwezîr, her du aliyan li hev kirin ku pabendî dema dawî ya erkê leşkerî ya hevpeymaniya navneteweyî ya ku berê li hev kiribûn bin.

PUKMEDIA