Îro girtina royê bi tevahî rû dide

Reuters

Girtina royê

Îro 12/8/2026an de, diyardeya girtina royê bi tevahî rû dide û li çend welatên Ewropayê bi rêjeya sedî sed tê dîtin, û pisporekî keşnasiyê aşkere dike ku: Sala bê diyardeyeke din a rojgirtinê li Îraq û Herêma Kurdistanê rû dide.

Îro bi milyonan niştecihên welatên Ewropayê xwe ji bo pêşwazîkirina li bûyereke gerdûnî ya kêm amade dikin, ew jî rûdana girtina royê bi tevahî ye ku ji sala 2006an ve navçeyê ew nedîtiye. Di vê bûyerê de beşeke zêde ya navçeyên Spanyayê di dema êvarê de dikevin nava tarîtiyeke neasayî, di heman demê de demjimêr 5:00ê piştî nîvro bi dema Grînîçê, rojgirtin li Gerînland û Îslendayê rû dide.
Di heman demê de, niştecihên pirraniya navçeyên Ewropayê, Kanada, Amerîkaya Bakur û bakurê rojavayê Afrîqayê dikarin girtina royê bi nîvî bibînin. Lê qonaxên rojgirtinê nîvî nêzîkî demjimêrek û 45 xulekan berdewam dibin.

Diyardeya, li Îraq û Herêma Kurdistanê û welatên navçeyê nayê hîskirin, lê Aras Cebar, pisporê keşnasiyê ragihand: Girtina royê bê di 2ê tebaxa 2027an de rû dide, ku bi awayê tevahî li welatên Erebistana Siûdî û bakurê Afrîqayê tê dîtin, herweha bi awayê nîvî li Îraq û Herêma Kurdistanê diyar dibe.

PUKMEDIA