Parêzgarê Hesekê:Karwana yekem ya penaberên Serê Kaniyê sibê vedigere

Ajans

Civîna parêzgarê Hesekê digel aliyên peywendîdar

Parêzgarê Hesekê: ragihand ku karwana yekem ya penaberan, ku ji zêdetirî 600 malbatan pêk tê, dê sibe vegere bajarê Serê Kaniyê.
Nûredîn Ehmed, Parêzgarê Hesekê, di daxuyaniyekê de, wî diyar kir ku hemû amadekarî ji bo vegera 600 malbatên ku li derveyî herêmên xwe li benda vegerê ne, temam bûne.

Parêzgar zelal kir ku pêvajo bi awayekî plankirî û qonax bi qonax tê meşandin; pêvajo dê piştî ku li ser cihan li hev hatibe kirin û ew hatibin veguhestin, pêk were,bi vî awayî, welatiyên ku niha li Serê Kaniyê dijîn û akinciyên taxên Xwêran û Ezîziyê dê vegerin malên xwe, û mirovên koçberkirî yên Serê Kaniyê jî dê vegerin bajarokê xwe û got: Armanca sereke ya vê gavê ew e ku hejmara penaberan li parêzgeha Hesekê daxîne sifirê.

Biryara vegera koçberan piştî civîneke berfireh hat dayîn ku bi serokatiya parêzgeha Hesekê û bi beşdariya nûnerên koçberan hatibû lidarxistin, civîn di bin serokatiya parêzgeha Hesekê de û bi beşdariya nûnerên kesên koçberbûyî, fermandarên hêzên navxweyî û parlamenterên herêmî hate lidarxistin, û têde tekezî li ser pêwîstiya xurtkirina çanda hevjiyanê û pêşîlêgirtina gotara mezhebî hate kirin.

Hêjayî gotinê ye ku berê Ebdulah El-Ceşim, rêveberê navçeya Serê Kaniyê, roja 22ê Tîrmehê gotibû: Tu kesê koçberkirî li herêmê namîne, û hemû malên desteserkirî dê ji xwediyên wan yên rewa re bên vegerandin.

PUKMEDIA