Daxwaza pişkinîna serweta berpirsên berê yên Wezareta Karebayê tê kirin.

PUKMEDIA

Wezîrê kehrebê (Elektrîkê), Elî Seidî Wehîb

Îro Çarşemê 5ê Tebaxa 2026an, Wezîrê kehrebê (Elektrîkê), Elî Seidî Wehîb daxwaz ji Desteya Destpakiyê ya Federal kir, û xwest ku kaxez û lîsteyên mal û milkên Wezîr, Cîgir, Rêveberên Giştî û pileyên taybet ku ji sala 2005an heya sala 2026an li wezaretê û pêkhateyên wê de kar kirine, werin lêkolîn û piştrastkirin.

Li gorî belgeyeke fermî ya ku ji aliyê Wezareta Kehrebê ve hatiye derxistin û kopiyeke wê gihiştiye destê (PUKMEDIA), ev daxwaz di çarçoveya xurtkirina bingehên şefafiyet û pakiyê de ye, ji bo parastina malê giştî û piştgiriya hewldanên Desteya Destpakiyê ya Federal di warê xurtkirina çavdêrî û hevahengiya hevbeş de.

Belgeyê diyar kir ku wezaretê lîsteyek bi navên wan berpirsên ku di heyama navborî de postên wezaretê û îdarî yên bilind girtine dest xwe, pêve kiriye da ku bê dîtin û li gorî qanûn û rêzikên derbasdar tedbîrên pêwîst bên girtin, di nav de lêkolînkirina li ser mal û milkên wan ên veguhêz û neveguhêz ên ku di lîsteyên mal û milk de hatine û girêdana wan bi dateyên li cem Desteya Destpakiyê re.

Wezaretê tekezî li ser piştgiriya xwe ji bo hewldanên Desteya Destpakiyê di warê xurtkirina şefafiyetê û têkoşîna li dijî gendeliyê de kir, bi awayekî ku xizmeta berjewendiya giştî bike.


PUKMEDIA