El-Zeydî tekezî li ser pêşîgirtina li her gefeke ji axa Iraqê bo ser welatên cîran dike

Ragihandina Serokwezîr

Elî Falih El-Zeydî

Serokê Encûmena Wezîran û Fermandarê Giştî yê Hêzên Çekdar ên Iraqê Elî Falih El-Zeydî, îro Şemiyê, serokatiya civîneke awarte ji bo gotûbêjkirina pêşhatên ewlehiyê yên li navçeyê kir.

Li gorî daxuyaniyekê ku ji aliyê mekteba Ragihandinê ya Serokê Wezîran ve hatiye belavkirin, El-Zeydî di dema civînê de "tekezî li ser pêşîgirtina li her zêdegavî an gefekê ku ji axa Iraqê ve ber bi welatên cîran ve derkeve kir, û avakirina lîjneyeke ewlehiyê ya hevbeş ji bo rûbirûbûna astengiyan, herwiha ferman da ku mekanîzmayên rêgir bên danîn da ku dubarebûna rewşên bi vî rengî an her binpêkirinên gengaz werin girtin."

El-Zeydî herwiha "ferman da dezgehên ewlehiyê yên Iraqê ku qanûnan bicîh bînin, ewlehî û aramiyê xurt bikin, û berpirsiyariyên xwe di parastina serwerî û cîrantiya baş de bi cih bînin."

Li gorî daxuyaniyê, civînê "amadebûna hêzên çekdar ji bo pûçkirina her hewldanekê ku welatên cîran di çarçoveya derdora me ya herêmî de armanc dike tekez kir, û pabendbûna xwe ya nûvekirî dubare kir ku destûr nayê dayîn axa Iraqê wekî destpêk an derbasgehekê ji bo êrîşkirina ser welatên bira û dost were bikaranîn, di çarçoveya berpirsiyariya xwe de ji bo parastina serweriya neteweyî û rêzgirtina li prensîbên cîrantiya baş û yasayên navneteweyî."

PUKMEDIA