Bi fermana serokwezîr hemû yekîneyên leşkerî yên Îraqê xistin rewşa amadebaşiyê

PUKMEDIA

Serokwezîrê Îraqê Elî Zeydî

Ji bo pêşîgirtina li her tevgereke neberpirsiyar û parastina ewlehiya navxwe li hember hewldanên derveyî ji bo xistina nava pirsgirêkan, bi fermanbariya serokwezîr û fermandarê giştî yê hêzên çekdar ên Îraqê, hemû yekîneyên leşkerî xistin rewşa amadebaşiyê û tekez li ser xurtkirina sîstemên parastina asmanî hat kirin.

Sebah Nûman, berdevkê fermandarê giştî yê hêzên çekdar ên Îraqê ragihand: Bi fermana Elî Zeydî serokwezîr û fermandarê giştî yê hêzên çekdar ên Îraqê, tewahiya yekîneyên leşkerî xistin rewşa amadebaşiyê.
Wî herwiha ragihand: Ev gava bi armanca girtina pêşiya her karekî takekesî an jî bi komî neberpirsiyar li derveyî çarçoveya fermandariya giştî ya hêzên çekdar ên Îraqê ye.

Berdevkê fermandarê giştî da xuyakirin: Divê lez bê kirin di dabînkirin û tijîkirina çekan a taybet bi sîstematîkên radar û dîtina pêşwext û parastina asmanî de, ji ber ku parastina ewlehiya navxwe bi temamî erk û berpirsiyariya taybet a sazgehên leşkerî û ewlehiyê yên dewletê ye.
Sebah Nûman herwiha ragihand: Hin aliyên derveyî hewl didin ax û esmana Îraqê bixin nava hevkêşe û pirsgirêkan, lê belê sîstemên leşkerî û ewlehî yên Îraqê bi asta herî bilind a rêxistinî û amadebûnê reftarê bi pêşhateyan re dikin.


PUKMEDIA