Desteya Destpakiyê ya Federal Toreke Mezin a Gendeliyê Têk Dibe

Ajans

Logoya Desteya Destpakiyê

Desteya Destpakiyê ya Federal, îro Pêncşemê, ragihand ku toreke gendeliyê ya mezin li şaredariya Dîwaniyê hatiye têkbirin, di heman demê de destnîşan kir ku 30 fermanên girtinê û lêgerînê li dijî berpirs, karmendan, di nav de rêveberên berê yên şaredariyê û rêveberê niha, hatine derxistin.

Desteya Destpakiyê di daxuyaniyekê de ragihand û got: Tîmek ji nûsîngeha lêkolînê ya desteyê li bajarê Dîwaniyê karî operasyoneke taybet li parêzgehê pêk bîne, ku di encamê de toreke ku bi tawanên sûdwergirtina mutehît û mûqawîlan, ruşwet, dizîn û destavêtina malê giştî li rêveberiya şaredariyê tawanbarin, hat hilweşandin.

Her weha da zanîn ku "fermana girtinê û lêgerînê li dijî 30 tawanbaran bi navnîşan û postên cûda yên fermî hatiye cîbicîkirin; ku 5 rêveber, 6 berpirsên beşên jimêryarî û çavdêriyê, tevî rêveberê jimêryariyê yê niha yê parêzgehê di nav de ne, ji ber kirina tawanên sûdwergirtina ji karê mutehîtî û mûqawîlatiyê, ruşwet û dizînê, li gel karmendên din ji ber tawanxwarina talankirina dravê giştî."

Wê berdewam kir ku "bi hevrêziya bi şaneya îstixbaratê ya El-Soqûr re, fermaneke girtinê li dijî (15) karmendan û (3) mutehîtan ku kelûpelên kirînê bi bihayên giran û ducarkirî dabînî rêveberiya şaredariya Dîwaniyê kirine an jî lîste bi bihayên duqat yan ji bo karên xeyalî pêşkêş kirine, hatiye cîbicîkirin."

PUKMEDIA