Cîgirê Serokê Herêmê bi Balyozê Japonya re civiya

Taybet

Wêneyekî Dîdarê

Îro Şeme 27/6/2026, Cîgirê Serokê Herêma Kurdistanê Şêx Cefer Şêx Mistefa pêşwaziya Balyozê Japonya li Îraqê Indo Akira û şandeya pê re kir.

Di civînê de peywendiyên Îraqê û Herêma Kurdistanê bi welatê Japonyayê re û pêşketinên dawî yên siyasî û ewlehiyê li Iraq û herêmê hatin gotûbêjkirin, û tekezî li ser xurtkirin û pêşxistina peywendiyan, bi taybetî di warên pêşxistina binesaziyê, ji nû ve avakirin, aborî û bazirganiyê de hat kirin.

Her du alî li ser girîngî û pêwîstiya yekîtîyê di navbera aliyên siyasî yên Herêma Kurdistanê de hemfikir bûn, da ku pirsgirêkên ku rê li ber avakirina kabîneya nû ya Hikûmeta Herêma Kurdistanê girtine, werin çareserkirin û derbaskirin.

Geşedanên dawî yên li herêmê û berdewamiya diyalog û têgihîştinê di navbera Hewlêr û Bexdayê de ji bo çareserkirina pirsgirêkên mayî yên di navbera wan de mijarek din a civînê bû.

PUKMEDIA