Almanya sîstemên parastina asmanî Patriot li Bakurê Kurdistanê bicih kiriye

DPA

Sîstema Patriot

Di çarçoveya plana parastinê ya Hevpeymana Atlantîka Bakur (NATO) Almanya sîstemên parastina asmanî Patriot li Bakurê Kurdistanê bicih kiriye.

Berdevkê Wezareta Parastinê ya Tirkiyeyê Zeki Akturk ragihand; Yekîneyeke sîstema parastina asmanîî ya Patriot ya ser bi Almanyayê li baregeha Kurecik a li parêzgeha Meletiyê ya Bakûrê Kurdistanê hatiye bicihkirin, û di 24ê vê mehê de bi fermi erkê parastina asmanî ya deverê ji sîstema Patriot a Amerîkî wergirtiye ku pêştir li wî cihî bicih kiribû.

Berê, di 18ê Hezîranê de, yekîneyeke sîstema parastina asmanî ya pêşketî ya Îtalyayê li fermandariya baregeha asmanî ya sêyemîn a sereke ya li Konyayê wekî beşek ji plana parastinê ya daîmî ya NATOyê ji bo xurtkirina sîwana parastina asmanî li herêmê hate sazkirin.

Hevpeymaniya NATO piştî aloziya jeopolîtîk a li herêmê û şerê Îran-Amerîkayê, şiyana xwe ya li dijî gefên asmanî û mûşekî li herêmê û parastina qada hewayî ya welatên endam zêde dike.

Ji sala 2012an vir ve, baregeha leşkerî ya Kurecik li Meletiyê ya Bakurê Kurdistanê wekî baregeheke radarê ya hişyariya zû ya girîng a NATOyê kar kiriye, ku armanca wê ya sereke ew e ku gefên mûşekî yên balîstîk li derveyî sînorên NATOyê nas bike û bersîva wan metrsiyan bie.

PUKMEDIA