Ziyanên Amerîka di şerê Îranê de 132 milyar dolar bûye

Ajans

Şerê Amerîka û Îranê

Rojnameyeke Amerîkî aşkere kiriye ku di şerê 39 rojî de Amerîka di şerê Îranê de 132 milyar dolar zerer kiriye û 13 leşkerên wê hatine kuştin, hevdem ji ber şer zêdetirî 7 hezar kes hatine kuştin û bihayên kelûpelan û  sotemeniyê jî bi awayekî berbiçav bilind bûne.

Rojnameya New York Times di raporekê de ragihand ku şerê di navbera Amerîkayê û Îranê de ji bo Washington û herêmê karesateke mezin a darayî û mirovî çêkiriye û lêçûna giştî ya şerê li ser Amerîkayê ji 132 milyar dolarî derbas bûye ku 29 milyar dolar tenê yên xerciyên leşkerî yên rasterast bûne ya bombebaranan û çêkirina navendên leşkerî ên ziyan dîtine.

Girêdayî bi ziyanên mirovî jî, rojnameyê aşkere kiriye ku 13 leşkerên Amerîkî, 26 Îsraîlî, 3 hezar û 500 Îranî û 3 hezar û 700 kes li Lubnanê hatine kuştin, bi vê yekê hejmara giştî gihîştiye 7hezar û 239 kesan.

Li gorî raportê di asta aborî de, aloziyên Tengava Hormizê û bihayên petrolê yên zêde barekî darayî li ser Amerîkiyan çêkirine, bi navînî 460 dolar ji bo her malbatekê ji ber bihayên sotemeniyê yên bilindtir ziyan gihêştinê ji ber ku bihayên benzînê ji dora 2.98 dolarî gihîştine 4.00 dolarî ji bo her galonekê, ev yek bi navînî 460 dolar zêdetir lêçûn li ser her malbateke Amerîkî keftiye.

Eve ji bilî girtina Tengava Hurmizê, ku bûye sedema bilindbûneke berbiçav a bihayên kelûpelan û pêdiviyên avakirinê li welatên herêmê.

PUKMEDIA