Erdogan:Ji bo bi serxistina projeya aştiyê destûreke nû pêwîste

NTV Haber

Recep Tayyip Erdogan Serokkomarê Turkiyê

Recep Tayyip Erdogan Serokkomarê Turkiyê ragihand ku komîteya parlemanê ya ku ji bo pêvajoya nû ya hatiye erkdarkirin nexşerêyek li ser bingeha lihevkirinê amade kiriye, û hewldanên hewalgiriyê ji bo bilezkirina pêvajoya çekberdanê berdewam in her weha Erdogan tekez kir ku destûrek nû niha pêdivîyek lezgîn e.

Erdogan tekez dike ku destûrek nû niha ji bo bi serxistina pêvajoya aştiyê pêdivîyek jiyanî ye

Erdogan berdewamiya pêvajoyê bi biryardariyeke bê guman piştrast kir û got:Komîteya me ya parlamanê nexşerêyek li ser bingeha lihevkirinê danî û pîwîste ku ev nexşerê bi awayekî avaker û bibandor were cî bi cîkirin.

Erdogan:Ji bo bi serxistina Pêvajoya Aştiyê emê hemû astengiyan derbaz bikin

Serokkomarê Turkiyê di daxuyaniyekê de, piştrast kir ku Hevpeymaniya Gel dê dev ji armancên xwe bernede û got:Em bi biryar in ku bigihîjin armancên xwe, û emê kesên ku Turkiyeyek bê tundûtîj naxwazin têr nekin û emê bi derbaskirina hemû astengiyan bigihîjin vê armancê.

Erdogan:Pêwîstiya Turkiyê bi destûreke nû heye û ev erkê me hemûyan e

Erdogan di axaftina xwe de behsa gotûbêjên berdewam yên derbarê destûra nû jî kir û tekezî li ser pêwîstiya Turkiyê bi destûreke nû kir û got:Destûra nû êdî ne luks e, lê pêdivî ye, bi rastî jî erk e.

Erdogan ji bo aliyên siyasî:Hûn  bi hevre destûrek lîberal û sivîl amade bikin

Serokkomarê Turkiyê bang li aliyên siyasî kir ku bi hevre destûrek lîberal û sivîl amade bikin ku hemû beşên civakê di nav xwe de bigire.

Erdogan:Hin alîgirên Pêvajoya Aştiyê ne û hindek jî li dijî wê ne lê emê berdewam bin bo bi serxistina wê

Serokkomarê Turkiyê got: Rastî ev e ku, her wekî kesên ku ji destpêkê ve ji bo serkeftina vê pêvajoyê parêzvanî kirin û bê westan kar kirin hebûn, kesên ku jê nerazî ne jî hene,tevî zehmetiyên ku pêre rû bi rû ma, pêvajo gihîştiye vê qonaxê,em bi biryar in ku emê kesên ku Turkiyeyek bê tundûtîjî naxwazin aram nekin,em bi biryar in ku emê vê derfetê nedin wan,niyeta me baş e, û rêya me jî rast e,bi îzna Xwedê, encamên me dê erênî bin bê guman emê bigihîjin armanca xwe.

Emê mijara destûra nû di rojeva xwe de bihêlin û bê guman emê vê soza ku me daye gelê xwe bicîh bînin, û me di vî warî de amadekariyên xwe kirine û me pirsgirêkên ku gelê me hewce dike û daxwaz dike destnîşan kiriye, eger em behsa siyaseta sivîl  û rêziknameyên yasayî yên ku li gorî pêdiviyên demê ne bikin, wê demê em dibînin ku armanca me ew e ku em hemî pêngavên pêwîst ji bo bidestxistina vê yekê bavêjin, digel hewcedariya bi destûrek nû,gel dixwaze ji destûreke bingehîn ya ku bi darbeyan qirêj bûye rizgar bibe û destûreke bingehîn ya nû, berfireh, lîberal û sivîl hebe,siyaset nikare daxwazên gel paşguh bike, pêkanîna vê xwestekê berpirsiyariya dezgeha siyasî ye, û ew tiştê herî girîng e ku divê ew bike, destûra nû êdî ne luks e, lê pêdiviyek e, bi rastî erkek e, em vê mijarê li ser siyasetê dibînin, û em bi eşkereyî bang li aliyên siyasî dikin ku werin em hemû alîgirîyên xwe yên siyasî bidin aliyekî, û destûrek nû ji bo hemû pêkhateyên civakê amade bikin.

PUKMEDIA