Dezgeha Asayîşa Herêmê sê terorîst desteser kirin

PUKMEDIA

Logoya Dezgeha Asayîşa

Rêveberiya Giştî ya Operasyonên Asayîşê bi hemahengiya Rêveberiya Hewlagirî û Dijî Terorê ya Kerkûk ya ser bi Wezareta Navxweyî ya Îraqê û Hêzên Komando yên Kurdistanê dikarîn sê terorîstan li parêzgehên Kerkûk û Silêmaniyê desteserkirin û bi hemahengiya Hêzên Komando yên Kurdistanê û Hêzên Taybet yên Hevpeymaniya Amerîka li herêma Şuwan operasyonek e berfireh hat encamdan.

Di daxuyaniyekê de ku ji PUKMEDIA re hatiye şandin, Dezgeha Asayîşa Herêma Kurdistanê got: Di 18ê Îlona 2025an de, Rêveberiya Giştî ya Operasyonan ya Dezgeha Asayîşa Herêma Kurdistanê û Rêveberiya Hewalgirî û Dijî Terorê ya Kerkukê ser bi Wezareta Navxweyî ya Îraqê bi biryara Dadwerê Lêkolîn ya Asayîşê dikarîn li sinorê Kerkûkê terorîstekî desteser bikin, û piştî lêkolîn û danpêdana wî terorîstî û li ser bingeha zanyariyên hewalgirî yên berfireh, kariye cihê (du) terorîstên din li parêzgeha Silêmaniyê jî destnîşan bike û di encamê de bi hemahengiya Hêzên Komando yên Kurdistanê her du terorîst jî hatin desteserkirin ku ew di demên borî de ji bo DAIŞê şer kirine û niha jî ji bo DAIŞê kar dikin û ramanên tundrew li ser torên civakî belav dikin û piştî komkirina zanyariyan di 21ê Îlona 2025an de, Rêveberiya Giştî ya Operasyonên Asayîşê bi hemahengiya Hêzên Komando yên Kurdistanê û Hêzên Taybet yên Hevpeymanî ya Amerîkayê, dikarîn operasyonek e berfireh li sînorê devera Şuwan encam bidin û çend cih û veşartgehên terorîstan ji holê rakin.

Her weha aşkere kir ku niha ew Terorîst li gorî madeya 2 ya terorê hatine girtin û lêpirsîn di dosyeyên wan berdewam in.

PUKMEDIA