Yekîtiya Nivîskarên Jenosîdê:Bi girtina Ecac gelek kodên nehênî dê vebin

Yekîtîya Nivîskarên Jenosîdê ya Kurdistanê

Logoya Yekîtiya Nivîskarên Jenosîdê ya Kurdistanê

Yekîtiya Nivîskarên Jenosîda Kurdistanê di daxuyaniyekê de got:Girtina Ecac yê Nuqret El Selman pêngavek e girîng e û ew wekî koda veşartî ya gelek deriyên din bi nav kir û got: Divê pêvajoya danpêdanê û wergirtina zanyariyan ji tawanbar bi amadebûna tîmek e nivîskarên şareza di warê jenosîdê de were kirin û bang li xizmên qurbaniyên Enfalê kir ku biçin Bexdayê daku giliyan tomar bikin.

Di daxuyaniya Yekîtîya Nivîskarên Jenosîdê ya Kurdistanê de ku kopiyek ji wê ji PUKMEDIA re hatiye şandin, ragihand ku girtina tawanbarekî mezin wek Ecac, ku tawan û hovîtiyên wî tenê dikarin ji hêla saxmayîyên Keleha Nuqret El Salman ve werin selmandin, her çend e pir dereng be jî, ev yek pêngavek e girîng e ku ew koda veşartî dê gelek deriyên din veke, û dê me bigihîne gelek nehênî yên din yên veşartî.

Yekîtiya Nivîskarên Jenosîdê ya Kurdistanê daxwaz jî dike ku pêvajoya danpêdanê û wergirtina zanyariyan ji tawanbar bi amadebûna tîmek e şareza ya nivîskarên jenosîdê be, ji bo berhevkirina zanyariyên veşartî, bi taybet tê zanîn ku tawanbar Ecac di salên dawî de çend rêbaz bikar aniye daku xwe ji dezgehên ewlehiyê veşêre, wek guhertina rûyê xwe bi riya neştergeriya ciwankarî, guhertina navê xwe û belavkirina bangeşeya li ser mirina wî di salên borî de.

Hevdem daxwaz kir ku girtina wî ji bo dîtina kesên din yên ku di tawana Enfalê de beşdar bibûn û xizmên qurbaniyan biçin Bexdayê daku li dijî serok caş û şêwirmendên daxwazkirî yên ku daxwazkirî ne giliyê tomar bikin.

PUKMEDIA