Civata Wezîran biryar li ser şandina mûçeyan bo herêmê neda

Nivîsingeha Ragihandina Serokwezîrên Êraqê

Civîna Civata Wezîrên ya Êraqê

Civîna Civata Wezîrên Êraqê bi dawî hat lê biryar derbarê mûçeyan ne hate dayîn, li hemberî wê yekê civatê komîteyek ji pênc wezîran pêk anî daku projeya pêşniyarkirî yên Hikûmetên Êraq û Herêma Kurdistanê ya li ser çareserkirina mûçeyan, petrol, dahat û Tewtînê çareser bike.

Karwan Yarweys, Endamê Civata Nûneran ji fraksiyona Yekîtiya Nîştimanî ya Kurdistanê (YNK) ji PUKMEDIA re ragihand ku civîna îro ya Civata Wezîrên Êraqê bi dawî hat, lê çi biryar derbarê mûçeyan ne hate dayîn,û civatê ji bo gotûbêjkirin û çareserkirina her du projeyên pêşniyarkirî yên hikûmeta Êraq û Hikûmeta Herêma Kurdistanê yên bo çareserkirina pirsgirêkên mûçeyan, petrol, dahat û petrolê, komîteyek ji wezîrên (Dad, Tenduristî, Avadankirin û Akincîkirin, Plansazî û Xwendina Bilind) pêk anî.

Karwan Yarweys got: Ew komîte dê projeyekê ji bo her du projeyên herêm û federal amade bike û pêşkêşî Civat Wezîran ya Êraqê bike.

Ev yek di demekê de ye ku, îro Rojnameya Sebah ya Êraqî di nûçeyekê de ragihand ku di 48 demjimêrên borî de, gelek hewl ji bo çareserkirina pirsgirêkên di navbera Êraq û Herêma Kurdistanê de hatine dayîn, berî her tiştî, pirsgirêka mûçeyan û hinardekirina petrol, û niha her du hikûmetan li ser çend xalan li hev kirine, û tê çavrêkirin ku rêkeftin di civîna îro ya Civata Wezîran de were gotûbêjkirin û bi fermî were îmzekirin lê, civîn bêyî ku çi biryarekê li ser şandina mûçeyên mûçexwerên herêmê bide bi dawî bû.

PUKMEDIA