Parêzgarê Kerkûkê: Serjimêriya giştî ya niştecihan bi başî birêve diçe

PUKMEDIA

Parêzgarê Kerkûkê Rêbwar Taha

Parêzgarê Kerkûkê Rêbwar Taha tekez kir ku serjimêriya giştî ya xelkê Kerkûkê bi awayekî baş birêve diçe û di proseyê de ti binpêkirin nehatine tomarkirin.

Parêzgarê Kerkûkê di kongirekî rojnamevanî de ku PUKMEDIA yê dişopand de got: Me îro li gel dezgehên amaran û pilandananê li ser pêşhatên serjimêriya giştî ya niştecihan civiya û li ser hemû mijarên derbarê serjimêriyê de gotûbêj kirin.

Got jî: serjimêrî bi başî birêve diçe û tîm ji demjimêrên sibê ve dest bi karên xwe kirine û me ti binpêkirin tomar nekiriye jiber pabendbûna wan bi biryara qedexeya derketina derve.
Got: Em ji nêzîk ve proseyê dişopînin û tîmên me yên şopandinê bi berdewamî kar dikin û niha jî em ber bi hemû navçeyên Kerkûkê ve diçin daku ji nêzîk ve çavdêriya pêşkeftina proseya serjimêriya giştî bikin.

Parêzgarê Kerkûkê got: Hemû kêşeyên ku di rojên derbasbûyî de derketine holê hatine çareserkirin û proseya serjimêriyê bi dilsozî û durustî û bê cudahî di navbera welatiyan de bi awayekî baş birêve diçe, ji ber ku ev serjimêrî di berjewendiya parêzgeha Kerkûkê de ye.

PUKMEDIA