Iraq dê xercê berhemanîn û veguhestina petrolê bide Herêma Kurdistanê

Ajans

Hikûmeta Iraqê, Hikûmeta Herêma Kurdistanê

Encûmena Wezîran a Iraqê dê qerebûkirina Hikûmeta Herêma Kurdistanê bide ji bo lêçûnên berhemanîn û veguhestina petrolê jî biryar hat dayîn ku petrola herêmê ku tê berhemanîn demildest radestî kompaniya bazirganiya petrolê “SOMO” yan jî Wezareta Petrolê ya Federal were kirin.

Civata wezîrên Îraqê îro bi serpereştîya serok wezîrên Îraqê Mihemed Şîe Sûdanî çend proje yasa pesend kir, ku ya herî girîng jî pêşnîyara guhertina madeya 2 ya yasaya bûdceyê ye, ku erkê wezareta darayî ya Îraqê ye bo qerebûkirina hikûmeta herêma Kurdistanê ye bo veguhastina neftê, di berdêla nefta ku ji hêla herêmê ve hatî hilberandin û ji hêla Şirketa Bazirganî ya Neteweyî "SOMO" û Wezareta Neftê ya Federal ve tê wergirtin.

Her wiha di civînê de biryar hat dayîn ku xerciya her zeviyekê ji aliyê rêxistineke nehikûmî ve ku ji aliyê Wezareta Nefta Iraqê û Wezareta Çavkaniyên Sirûştî ve hatiye destnîşankirin, were hesabkirin û di heyama 60 rojên bê de bigihin rêkeftinekê.

Her wiha biryar hate girtin:"Pêwîste şêwirmendekî navdewletî xercê berhemanîn û veguhestina petrolê bo Wezareta Petrol û Darayî ya Iraqê diyar bike û Hikûmeta Herêma Kurdistanê jî pêbendî wê be."
Hikûmeta Iraqê  biryar da ku petrola Herêma Kurdistanê ku berhem tîne radestî kompaniya bazirganiya petrolê SOMO bike. “Wezareta Federal a petrolê û lêçûnên berhemanîn û veguhestinê dê ji aliyê Wezareta Darayî ya Federal ve wek pêşdaçûyîna her bermîlek 16 dolarî ji Herêma Kurdistanê re were vegerandin.

PUKMEDIA