Meaş piştî zêdetirî 60 rojan dê bên belavkirin

PUKMEDIA

Dînarê Iraqî

Li gor lîsta wezaretê piştî paşxistina nêzîkî 60 rojan, mûçeyên meha Sibatê roja şemiyê 30ê Adarê dest bi dabeşkirina mûçeyên wezaretê   Darayî tê kirin,dê di nava 6 rojan de hemû karmend mûçeyên xwe werbigirin, li gorî wê yekê mûçeyê hinek fermanberên leşkerî zêdetirî 62 rojan hatiye paşxistin.

Di şeş rojan de mûçe dê bêne dabeş kirin

Wezareta Darayî û Aborî ya Hikûmeta Herêma Kurdistanê dabeşkirina mûçeyên meha Sibatê ji 30-3-2024 û 4-4-2024 ango di nava 6 rojan de pisti nêzîkî 60 rojan ragihand ku  du mehane mûçe nehatine belavkirin û hinek karmendan kar boykot kirine.

Wezareta Darayî di 2ê Sibatê de dest bi belavkirina mûçeyên Kanûna 2024an kir û di meha Sibatê de bi dawî bû.Nêzîkî 60 rojin hikûmeta Herêma Kurdistanê mûçeyê xelq nedaye  û hikûmeta Iraqê jî mûçeyê nêzîkî 20 rojan şandiye.

Pereyê mûçeyê ji Bexdayê hatibû şandin

Roja 11.03.2024ê Wezareta Darayî ya Iraqê ji bo dabeşkirina mûçeyên meha Sibatê 560 milyar û 218 milyon û 37 hezar û 912 dînar razandine ser hesabê Hikûmeta Herêma Kurdistanê. Wezareta Darayî ya Iraqê bi giştî 608 milyar dînar şandiye, lê ji ber kêmbûna mûçeyê hikûmeta Herêma Kurdistanê red kiriye mûçeyên meha Sibatê were dabeşkirin.

Li gor zanyariyên PUKMEDIA, dahata hikûmeta Herêma Kurdistanê mehane 320 milyar dînar e, ku ji destpêka îsal ve heta niha 960 milyar dînar heye, lê amade nebûye kêmasiya mûçeyê Herêma Kurdistanê tijî bike. (Hikûmeta Herêma Kurdistanê) zêdetirî 2.2 trîlyon dînar ji Bexdayê wergirtiye ku tenê 949 milyar dînar ji bo mûçeyê mehekê hatiye xerckirin.

Hikûmeta Herêma Kurdistanê mûçeyên meha Cotmeh, Mijdar û Kanûna sala borî dabeş nekiriye û di sala 2024an de heya niha tenê mûçeyek hatiye dabeşkirin û îro dest bi dabeşkirina mûçeya duyem ya îsal kir.

PUKMEDIA